Estadio Manuel Rivera
| Manuel Rivera | |
|---|---|
 | |
| Datos | |
| Localización | Ferrol |
| Alcume | - O Inferniño - Manolo Rivera |
| Construción | |
| Inauguración | 1921 |
| Peche | 15 de marzo de 1993 |
| Demolición | 25 de maio de 1993 |
| Estadio | |
| Superficie | herba |
| Dimensións | 105 × 68 |
| Capacidade | 8000 |
| Propietario | Concello de Ferrol |
| Eventos | |
Sede Trofeo Concepción Arenal (Ata 1992)
| |
| [ editar datos en Wikidata ] | |
O Estadio Municipal Manuel Rivera foi un estadio de fútbol situado na cidade de Ferrol, no barrio do Inferniño. O Racing Club de Ferrol xogou nese estadio ata abril de 1993, cando se trasladou ao novo Estadio da Malata.
Características
[editar | editar a fonte]Levaba o nome de Manuel Rivera Martorell, que exerceu de xogador, adestrador, adestrador axudante, secretario técnico, directivo e delegado do Racing de Ferrol tras retirarse tras un problema cardíaco durante un partido en 1938.[1]
O estadio só tiña unha bancada de fondo (descuberta), e na outra había unha parede na que se situaba o marcador manual.
A bancada da tribuna tiña unha cuberta, e a de maratón (preferencia) estaba orixinalmente descuberta. Nesa bancada había unha torre, e a herba estaba rodeada de pistas de atletismo de terra. Tiña capacidade para 8000 persoas, se ben chegaron a entrar 20.000 nun partido de Copa do Rei contra o Real Madrid C.F. en 1976.
O último partido disputouse o 14 de marzo de 1993, o Racing-Avilés Industrial da xornada 28 de Segunda B. Dúas semanas antes, no Racing-Salamanca, fíxose unha homenaxe a máis dun centenar de futbolistas que vestiran a camiseta do club. Por problemas políticos e burocráticos, o cambio do novo estadio atrasouse un par de semanas.
Ademais de partidos de fútbol acolleu concertos, manifestacións e mesmo unha concentración de Santiago Carrillo na Transición. O estadio derrubouse o 25 de maio de 1993, e no seu lugar construíuse unha gran praza pública e a un centro comercial. Un anaco de pedra do Manuel Rivera gardouse como recordo nas oficinas do Estadio da Malata.[2]
O 25 de maio de 2023, coincidindo co 30 aniversario da súa demolición, o Concello de Ferrol instalou un recuncho no mesmo lugar da súa localización orixinal, coa seguinte dedicatoria:
Dos veciños de Ferrol ao seu Racing, en lembranza do Estadio Manuel Rivera (antigo Estadio O Inferniño) no 30 aniversario do seu derrubamento
Notas
[editar | editar a fonte]- ↑ Burgoa, Juan José (16/9/2018). "Manuel Rivera Martorell". Diario de Ferrol.
- ↑ Deza, Jorge (21/4/2018). "Do Inferniño á Malata: a historia dun traslado". La Voz de Galicia.