Estanislao Pérez Artime

Estanislao Pérez Artime
	;
Biografía
Nacemento	1881 ; Padrón, España
Morte	12 de marzo de 1945 (63/64 anos); Vilagarcía de Arousa, España
Presidente da Deputación da Coruña
	1935 – 1936
Datos persoais
Outros nomes	Tanis de la Riva
Actividade
Ocupación	empresario, político

Estanislao Pérez Artime, coñecido como Tanis de la Riva, nado en Padrón en 1881 e finado en Vilagarcía de Arousa o 12 de marzo de 1945^[1], foi un industrial e político galego.

Traxectoria

Fillo do comerciante José Ramón Pérez de la Riva, procedente de Ortigosa de Cameros (A Rioxa), e da padronesa María Dolores Artime Pérez, irmá de Eloy Artime Pérez. Foi concelleiro en Padrón, deputado provincial dende 1919^[2] e representaba no distrito de Padrón a Rafael Gasset Chinchilla e despois ao deputado Antonio Rodríguez Pérez.

En 1929 creou a empresa Lámparas Iria SA, unha fábrica de lámpadas incandescentes, sendo o propio Estanislao xerente e presidente do Consello de Administración. Tamén foi presidente do Consello de Administración do Hotel Compostela.

Foi deputado provincial en 1923 e vicepresidente da Deputación. Foi nomeado presidente da Deputación da Coruña a finais de 1935.

Ao estalar o golpe de Estado do 18 de xullo de 1936 foi apresado, permanecendo unha temporada no cárcere de Santiago de Compostela. Cando saíu del, deu cartos para reparar o presidio, co fin de mellorar as condicións nas que se atopaban os presos. Logo pasou a unha habitación do Hotel Compostela, baixo vixilancia pagada por el, pero unha denuncia da Falanxe de Padrón fixo que o levasen ao Sanatorio Baltar. Foi expedientado pola Comisión Provincial de Incautacións de Bens en 1937^[3].

Predecesor:
Antonio Goyanes Cedrón

Presidente da Deputación da Coruña
1935 - 1936

Sucesor:
José López Bouza

Vida persoal

Casou con Angela Rey Baltar, irmá de Ramón Rey Baltar.

Notas

↑ Necrolóxica en El Compostelano, 12-3-1945, p. 2.
↑ El Ideal Gallego, 16-7-1919, p. 4.
↑ Comoxo, Xosé; Santos, Xesús (2006). Concello de Rianxo, ed. Saúde e República (Rianxo 1930-1936) Política e sociedade. p. 357.

Véxase tamén

Ligazóns externas

Historia da fábrica de lámpadas de Padrón Arquivado 08 de marzo de 2016 en Wayback Machine.

[1] Necrolóxica en El Compostelano, 12-3-1945, p. 2.

[2] El Ideal Gallego, 16-7-1919, p. 4.

[3] Comoxo, Xosé; Santos, Xesús (2006). Concello de Rianxo, ed. Saúde e República (Rianxo 1930-1936) Política e sociedade. p. 357.

[1]

[2]

[3]