Fleet Street

A Fleet Street en 2005.

Fleet Street é unha rúa en Londres, Inglaterra, bautizada en homenaxe ao río Fleet. Foi a sede da prensa británica até á década de 1980. Mesmo despois de que o último gran representante dos medios, a Reuters, deixase a zona en 2005, o nome da rúa continúa a ser usado como unha metonimia para a prensa nacional británica.

Historia

A primeira tipografía de Inglaterra foi instalada aquí a finais do século XV por un asistente de William Caxton. En 1702, o primeiro xornal, The Daily Courant, foi publicado na Fleet Street - a súa localización era conveniente tanto en relación á City canto a Westminster, principais fontes de novas. Dende entón, Fleet Street pasou a ser o centro da industria editorial de Londres. As rotativas baixo as oficinas do diario foron abandonadas en 1987, cando a nova tecnoloxía permitiu producir xornais lonxe do centro, en áreas como Wapping e Docklands.

Os dramaturgos Shakespeare e Ben Jonson eran fregueses da vella Mitre Tavern, hoxe no n.º 37.

Na esquina ao nordeste da rúa hai un busto do escrito Edgar Wallace, que traballara alí para o Daily Mail antes de acadar sona internacional como autor e guionista.

Véxase tamén

Bibliografía

• Bellot, Hugh H.L (1902). Methuen, ed. The Inner and Middle Temple: Legal, Literary and Historical Associations. 
• Brooke, Alan (2012). Amberley Publishing Limited, ed. Fleet Street: The Story of a Street. ISBN 978-1-4456-1138-9. 
• Hampton, Mark (2004). University of Illinois Press, ed. Visions of the Press in Britain, 1850–1950. ISBN 978-0-252-02946-2. 
• Moore, Tim (2003). Vintage, ed. Do Not Pass Go. ISBN 978-0-09-943386-6. 

Ligazóns externas

• Edificios e estruturas en Fleet Street en Wikidata.