Flossie Wong-Staal
.jpg)  | |
| Biografía | |
|---|---|
| Nacemento | 27 de agosto de 1947 Zhongshan, República Popular da China |
| Morte | 8 de xullo de 2020 (72 anos) La Jolla, Estados Unidos de América |
| Causa da morte | pneumonía |
| Residencia | Estados Unidos de América |
| Educación | Universidade de California, Os Ánxeles - Doutora en filosofía |
| Actividade | |
| Campo de traballo | Viroloxía e Bioloxía molecular |
| Ocupación | bióloga molecular, viróloga |
| Empregador | Universidade de California en San Diego |
| Premios | |
| |
| Descrito pola fonte | Flossie Wong-Staal, Who Unlocked Mystery of H.I.V., Dies at 73 (en)  |
Flossie Wong-Staal, nada Yee Ching Wong (chinés tradicional: 黃以靜; chinés simplificado: 黄以静; pinyin: Huáng Yǐjìng), nada en Cantón o 27 de agosto de 1947, e finada en La Jolla o 8 de xullo de 2020,[1] foi unha viróloga e bióloga molecular chinesa-americana. Foi a primeira científica que conseguiu clonar o virus da inmunodeficiencia humana e determinar a función dos seus xenes, o que contribuíu en gran medida a demostrar que o VIH é a causa da SIDA.
Traxectoria
[editar | editar a fonte]Flossie Wong-Staal emigrou a Hong Kong coa súa familia tras o avance do comunismo na China continental a finais da década de 1940. En Hong Kong, Wong-Staal asistiu a unha escola de nenas católica, onde foi unha estudante destacada, especialmente en materias de ciencias.[2] Os seus profesores recomendáronlle que emigrase aos Estados Unidos para facer unha carreira universitaria e aconselláronlle á súa familia que cambiase o nome da nena por un en inglés, co obxectivo de facilitarlle a vida en Occidente. O seu pai escolleu o nome de Flossie despois dunha tormenta que golpeara a zona pouco antes.[2]
Cando cumpriu dezaoito anos, Wong-Staal deixou Hong Kong para ir á Universidade de California, Os Ánxeles, onde estudou bacterioloxía. Unha vez que obtivo a súa licenciatura, realizou un doutoramento en bioloxía molecular, que rematou en 1972. Continuou o seu traballo posdoutoral na Universidade de California, San Diego (UCSD), onde permaneceu varios anos.[2]
Carreira
[editar | editar a fonte]Wong-Staal traballou na UCSD ata 1974, cando decidiu comezar a traballar con Robert Gallo no Instituto Nacional do Cancro (NCI). Alí dedicouse ao estudo dos retrovirus.[3]
En 1983, Wong-Staal, Gallo e o seu equipo de científicos do NCI identificaron o VIH como a causa da SIDA, ao mesmo tempo que Luc Montagnier. Dous anos despois, Wong-Staal clonou o virus e completou o seu proxecto xenético. Este traballo permitiu desenvolver probas de VIH.[4]
En 1990, un equipo de investigadores dirixido por Wong-Staal estudou os efectos que tería a proteína Tat da cepa VIH-1 no crecemento das células que se atopan dentro das lesións causadas polo sarcoma de Kaposi, moi común en pacientes con SIDA.[5] Wong-Staal utilizou un tipo de análise celular coñecida como radioinmunoprecipitación para detectar a presenza de lesións causadas polo sarcoma de Kaposi nun grupo de células con diferentes cantidades da proteína Tat. Os resultados destas probas mostraron que a cantidade de proteína Tat dentro dunha célula infectada pola cepa VIH-1 ten unha correlación directa co número de lesións causadas polo sarcoma que pode ter un paciente. Estes descubrimentos foron esenciais para desenvolver novos tratamentos axeitados para os pacientes con VIH/SIDA que sofren estas lesións.[6]
Pouco despois, Wong-Staal cambiou de NCI a UCSD. Alí continuou o seu traballo relacionado co virus da inmunodeficiencia humana e a SIDA, e en 1994 foi elixida presidenta do Centro de Investigación da Sida da universidade. [7] Ese mesmo ano, foi elixida para o Instituto de Medicina das Academias Nacionais dos Estados Unidos.
Ao longo da década de 1990, Wong-Staal dedicouse ao estudo da terapia xénica, utilizando unha ribozima "coitelo molecular" para inhibir o virus da inmunodeficiencia humana nas células nai. O protocolo que desenvolveu foi o segundo en recibir financiamento do goberno dos Estados Unidos.
En 2002, Wong-Staal retirouse da UCSD e converteuse en profesor emérito. Máis tarde uniuse a Immusol, unha empresa biofarmacéutica que fundara nos seus anos universitarios, como directora científica. Wong-Staal cambiou o foco da compañía para centrarse nos medicamentos contra a hepatite C e renomeouno iTherX Pharmaceuticals. Ese mesmo ano, a revista Discover recoñecíaa como unha das cincuenta mulleres científicas máis extraordinarias.[8] Wong-Staal continuou traballando como profesor de investigación na UCSD en Medicina.
En 2007, The Daily Telegraph incluíu a Wong-Staal no número 32 da súa lista dos Top 100 Living Geniuses.[9]
Notas
[editar | editar a fonte]- ↑ Redacción (10 de xullo de 2020). "Flossie Wong-Staal, pioneering UCSD virologist who helped identify AIDS cause, dies". San Diego Union Tribune (en inglés) (San Diego (CA)). Arquivado dende o orixinal o 11 de xullo de 2020. Consultado o 10 de xullo de 2020.
- ↑ 2,0 2,1 2,2 "Biographies of Flossie Wong-Staal Scientists". www.biography-center.com. Arquivado dende o orixinal o 12 de xaneiro de 2017. Consultado o 11 de decembro de 2016.
- ↑ Notable Asian Americans. Gale Research. 1995.
- ↑ World of Health. Gale Group. 2000.
- ↑ Ratner, Lee; Haseltine, William; Patarca, Roberto; Livak, Kenneth J.; Starcich, Bruno; Josephs, Steven F.; Doran, Ellen R.; Rafalski, J. Antoni; Whitehorn, Erik A. (24 de xaneiro de 1985). "Complete nucleotide sequence of the AIDS virus, HTLV-III" (en inglés) 313 (6000): 277–284. doi:10.1038/313277a0.
- ↑ Wong-Staal, Flossie (1990). "Tat Protein of HIV-1 Stimulates growth cells derived from Kaposi's sarcoma lesions of AIDS patients" (PDF). Arquivado dende o orixinal (PDF) o 2 de febreiro de 2017.
- ↑ World of Microbiology and Immunology. Gale. 2003.
- ↑ "Immusol Chief Scientific Officer, Flossie Wong-Staal, Ph.D., Named One of Top 50 Women Scientists". PR Newswire. 15 de outubro de 2002.
- ↑ Robert Simon Jr. (28 de outubro de 2007). "Top 100 living geniuses". The Daily Telegraph. Londres. Consultado o 11 de decembro de 2016.
