Fragatas

Existen 5 especies de fragatas ou rabiforcados. Estas aves, que están emparentadas entre si, pertencen ao xénero Fregata, o único da familia dos fregátidos (Fregatidae), que xunto con outras familias de aves mariñas coma os pelicanos, rabodepallas, corvos mariños e mascatos, constitúen tradicionalmente a orde Pelecaniformes.

Todas son de gran tamaño, adoitan ter unha envergadura de ás de máis de 1,80 m, aínda que o seu esqueleto pode pesar escasamente 114 g. Poden ser de cores negro ou negro e branco.

Esta rechamante combinación de tamaño e lixeireza permítelles planear sen esforzo sobre o mar, onde asexan atentamente a outros paxaros. Se unha fragata ve a outro paxaro, capturando un peixe, lánzase a acosalo até obrigalo a guindar a súa presa, e habilmente atrapa o peixe antes de que caia á auga. As fragatas aniñan en árbores e matogueiras, e os machos atraen ás femias inflando unha bolsa que teñen na gorxas, semellante a un globo vermello. Case nunca se pousan na auga.

Atópase en zonas tropicais orientais dos océanos Pacífico e Atlántico.

Galería de imaxes

• 
  Fragata en voo
• 
  No niño

Véxase tamén

Ligazóns externas

• Vídeos de fregatas Arquivado 10 de xullo de 2016 en Wayback Machine. en Internet Bird Collection