Francisco Blanco

Francisco Blanco
	;
Biografía
Nacemento	18 de setembro de 1570 ; O Tameirón, España
Morte	5 de febreiro de 1597 (26 anos); Nagasaki, Xapón
Causa da morte	pena de morte, crucifixión
Relixión	Igrexa católica
Educación	Universidade de Salamanca
Actividade
Ocupación	Sacerdote católico de rito romano
Orde relixiosa	Ordes franciscanas e Orde dos Freires Menores
Enaltecemento
	santo ;
Día de festividade relixiosa	6 de febreiro

Para outras páxinas con títulos homónimos véxase: Francisco Blanco (homónimos).

Francisco Blanco, nado no Tameirón (A Gudiña) o 18 de setembro de 1570 e finado en Nagasaki o 5 de febreiro de 1597, foi un relixioso católico galego.

Traxectoria

Estudou no colexio dos xesuítas en Monterrei e máis tarde iniciou os estudos de Dereito na Universidade de Salamanca. Ingresou na orde franciscana en Villalpando, e estudou Filosofía no convento de Santo Antón de Salamanca. Doente, pasou un tempo no convento de San Francisco de Pontevedra e cara a 1592 marchou a Sevilla xunto con outros vinte e oito franciscanos galegos coa idea de embarcarse cara a América como misioneiro.

Foi ordenado sacerdote en México, e despois estivo en Manila (Filipinas). Finalmente, decidiu predicar o cristianismo no Xapón, país especialmente hostil cos misioneiros. Foi martirizado cruelmente naquel país: no monte Tetayama foi crucificado e atravesado de parte a parte por dúas lanzas. Con el foron executados dezaseis terciarios, seis franciscanos e dous xesuítas.

Veneración

A Igrexa católica, concretamente o Papa Pío IX, canonizouno o 8 de xuño de 1862.

Na súa parroquia natal do Tameirón consérvase unha reliquia, un óso dun dedo maimiño^[1]. O seu cranio consérvase en Outarelo (O Barco de Valdeorras)^[2].