Furia Athlétic Club

Furia AC
Furia AC
Nome	Furia Athlétic Club
Alcume(s)	Furia
Fundación	20 de abril de 1996 (28 anos)
Estadio	Municipal de Campaña
Presidente	Marcos Jamardo "Polo"
Adestrador	Martín Busto Santalla "Mac"
Liga	2ª Autonómica - Grupo 5
2011–12	8º
Na rede
	http://www.furiaac.com/
Titular	Alternativo

O Furia Athlétic Club é un club de fútbol galego, da parroquia de Campaña no concello de Valga. Foi fundado o 20 de abril de 1996, sendo o primeiro presidente Roxelio Losas Martínez.

Historia

Na tempada 1996-97 tiña un equipo na categoría de afeccionados e dous nas categorías inferiores: un de infantís e outro de alevíns. Na actualidade ten catro equipos: afeccionados, xuvenís, infantís e benxamíns; aínda que chegou a contar con sete categorías: afeccionados (masculino e feminino), xuvenís, cadetes, infantís, alevíns e benxamíns.

Logrou o campionato de liga infantil nas tempadas 1998-99, 2000-01 e 2003-04, campionato de liga xuvenil 2003-04, campionato da liga cadete 2005-06 e campionato da liga de terceira autonómica 2006-07. Na tempada 2010-2011 volve a conseguir gañar a liga de terceira autonómica, co que acada o ascenso a segunda autonómica.

Entre o ano 2000 e o 2003 estivo presidido por Mila Bouzón Castroagudín, sendo substituída por Antonio Martínez Vázquez. Actualmente rexenta o cargo Marcos Jamardo "Polo".

O Furia foi promotor da primeira Copa do Sar de categoría cadete e da primeira Liga do Sar de benxamíns. Ten participado en diversos torneos a nivel nacional e internacional.

En 1998, despois dunha longa loita, o Furia consegue que o Comité de Disciplina Deportiva de Galicia permitise o acceso a mulleres en tódalas competicións organizadas pola Federación Galega de Fútbol.^[1]

Últimas tempadas

Tempada	Categoría	Posición
2006/07	3ª Autonómica	1º
2007/08	2ª Autonómica	14º
2008/09	3ª Autonómica	5º
2009/10	3ª Autonómica	6º
2010/11	3ª Autonómica	1º
2011/12	2ª Autonómica	8º