Gazeta Marcial y Política de Santiago

Gazeta Marcial y Política de Santiago
	;
Localidade	Santiago de Compostela
Na rede
	[ editar datos en Wikidata ]

Gazeta Marcial y Política de Santiago foi unha publicación periódica editada en Santiago de Compostela durante os anos 1812 e 1813. Publicada baixo a responsabilidade do impresor Manuel Antonio Rey e do seu director Juan Bautista Caamiña. Xorde en febreiro de 1812 e perdura ata 1813.

Primeira aparición do galego nunha publicación periódica

É no seu segundo número (5 de febreiro) a primeira vez que consta (polo momento) que o galego fose empregado nunha publicación periódica. O comezo da prensa en Galiza data de 1800 co breve El Catón Compostelano e xa logo da francesada e a liberdade de imprenta promulgada na Constitución de Cádiz xurdiran diversas publicacións máis ou menos efémeras de cara. En 1808 o Diario de la Coruña e o Diario de Santiago pero non é ata o segundo número da Gazeta Marcial y Política de Santiago que teñamos constancia de que se utilizase o galego.

O artigo fundacional da prensa en galego titúlase Carta recomendada e vén asinado por Ramón González Senra (con probabilidade un pseudónimo). Trátase dun artigo de propaganda política a prol do liberalismo en que se gaban as vantaxes de certas reformas liberais e da mesma maneira se defende a idea da soberanía popular en contraposición ao poder absoluto do monarca.

Véxase tamén

Bibliografía

"Gazeta Marcial y Política de Santiago". Enciclopedia Galega Universal. Ir Indo. 1999-2002. ISBN 84-7680-288-9.
"Gazeta Marcial y Política de Santiago". Gran Enciclopedia Galega Silverio Cañada (DVD). El Progreso. 2005. ISBN 84-87804-88-8.
Lorenzana, Salvador (abril - maio - xuño, 1988). "Breve historia da prensa periódica en Galicia". Grial: 210–222. ISSN 0017-4181.
Vilavedra, Dolores, ed. (1995). Diccionario da Literatura Galega. Autores I. Vigo: Editorial Galaxia. p. 275. ISBN 84-8288-019-5.

Ligazóns externas

Gazeta Marcial y Política de Santiago no sitio web da RAG