Guido II de Spoleto
| Biografía | |
|---|---|
| Nacemento | século IX  |
| Morte | 883 (Gregoriano) |
| Actividade | |
| Ocupación | gobernante |
| Outro | |
| Título | Margrave of Camerino (en)  (880–883)Duke of Spoleto (en) (880–883) |
| Familia | Dinastía Guidoni |
| Fillos | Itta of Spoleto, Guido IV de Spoleto (presumiblemente) |
| Pai | Lamberto I de Spoleto |
Guido II foi o fillo e sucesor do duque Lamberto I de Spoleto,
Traxectoria
[editar | editar a fonte]Foi partidario de Carlos o Calvo, que o 876 retornou o ducado de Spoleto ao seu pai Lamberto, e nomeou margrave de Camerino ao irmán de Lamberto I, Guido de Camerino (o futuro Guido III de Spoleto). Guido sucedeu ao seu pai como duque de Spoleto á súa morte o 880.
O Papa convidouno a un encontro o mesmo ano 880 pero Guido ignorouno e enviou os seus exércitos a invadir o dominio pontificio. O Papa Xoán VIII pediu axuda a Carlos o Groso, rei de Italia, ao que coroou emperador o 12 de febreiro do 881. Pero Carlos deulle pouca axuda contra Guido. Nunha carta do Papa a Carlos, mencionábase a Guido co adxectivo "rabbia" (rabia) que Guido colleu como alcume.
Carlos convocou unha dieta en Rávena (febreiro do 882) na que Guido II, o seu tío Guido de Camerino, o Papa, e o rei Carlos acordaron unha paz xeral e que os dous primeiros devolverían os territorios pontificios ocupados.
Guido II morreu subitamente, bastante mozo, o mesmo 882, e só deixou fillos nenos (o futuro Guido IV de Spoleto e I de Benevento, e Itta, que foi esposa de Guaimaro I de Salerno). O seu tío Guido de Camerino vai tomar as rédeas do poder e foi recoñecido duque baixo o nome de Guido III de Spoleto.
