Hans Holbein o Novo

Hans Holbein o Novo
	;
Nome orixinal	(de) Hans Holbein
Biografía
Nacemento	1497 ; Augsburgo (Sacro Imperio Romano Xermánico)
Morte	29 de novembro de 1543 (45/46 anos); Londres (Reino de Inglaterra)
Causa da morte	peste
Pintor de cámara
Datos persoais
Grupo étnico	Pobo alemán
Actividade
Campo de traballo	Pintura e gravado
Lugar de traballo	Boloña ; Basilea ; Lucerna ; Venecia ; Florencia ; Roma ; Londres
Ocupación	pintor, debuxante, exlibrist (en) , artista visual, Retratista, gravador, ilustrador, artista
Xénero artístico	Retrato pictórico, retrato e arte sacra
Movemento	Renascimento alemão (pt) e Renacemento nórdico
Catálogo crítico	Holbein: the paintings of Hans Holbein the Younger (en) (1985)
Influencias	Hans Holbein, o Velho (pt)
Obra
	Obras destacables (década de 1520) The Body of the Dead Christ in the Tomb (en) ; (1522) Madonna enthroned with child and two figures (en) ; (1526) Darmstadt Madonna (en) ; (1533) Os Embaixadores (pt) ;
Familia
Familia	Holbein family (en)
Fillos	Philipp Holbein I.
Pai	Hans Holbein, o Velho
Irmáns	Ambrosius Holbein
Parentes	Sigmund Holbein, tío
Descrito pola fonte	Teutsche Academie der Edlen Bau- Bild- und Mahlerey-Künste (en) , (sec:Holbein, Hans (der Jüngere), 249); Schilderboeck (pt) , (sec:Het leven van Hans Holbeen, uytnemende Schilder., M206); Dictionary of National Biography

Hans Holbein o Novo foi un pintor e gravador alemán, nado en Augsburgo quizais en 1497 e morto en Londres o 29 de novembro de 1543.

Traxectoria

Fillo segundo do pintor Hans Holbein o Vello (ca. 1465 - 1524), era irmán máis novo do tamén pintor Ambrosius Holbein (ca. 1493/94 - ca. 1519), xunto ao cal aprendeu no obradoiro paterno.

Etapa suíza

En 1515, a súa familia asentouse en Basilea, un dos núcleos do humanismo, onde se relacionou con Erasmo de Rotterdam. De 1516 a 1526, estivo a traballar para a alta burguesía de mercadores, e executa retratos, composicións de temas relixiosos, decoracións murais, cartóns par vitrais e máis gravuras. De aí que o Kunstmuseum da cidade (Museo de arte de Basilea) posúa a máis importante colección mundial de obras da familia Holbein. En tanto, influenciado por Matthias Grünewald, o seu estilo abriuse aos conceptos novidosos da Renacemento italiano.

Etapa inglesa

En 1526, fuxindo da Reforma protestante, marchou para Londres, sendo recomendado por Erasmo a Thomas More. Esa época constituíu o apoxeo na súa carreira. Realizou daquelas un proxecto de arco de triunfo para celebrar a entrada de Anne Boleyn en Londres e pintou o famoso cadro Os embaixadores en 1533. Este cadro de Os Embaixadores posúe características especiais. Unha parte desta obra está realizada consonte o procedemento do anamorfismo^[1]. Así, se a nosa mirada se coloca con relación á parte esquerda do cadro, vemos aparecer un cranio humano en medio dos dous personaxes. A presenza do cranio torna a obra nun "memento mori", unha "vanitas", que chama á humildade: o embaixadores retratados eran así convidados a lembrar que eran tan mortais como calquera.

No 1536, nomeado como pintor de cámara do rei Henrique VIII de Inglaterra, converteuse no retratista oficial da corte de Inglaterra. En 1543, en plena gloria, faleceu a causa de ter contraído a peste.

Foi un retratista que buscaba, por detrás das aparencias, as expresións significativas dos rostros. Tentou tamén de ás tradicións góticas as novas tendencias humanistas.

Obras

Retrato de Bonifazius Amerbach, 1519, Museo de Arte de Basilea
O corpo de Cristo morto na tumba, 1521, Museo de Arte de Basilea
A Virxe e o Neno con a familia do Burgomestre Meyer, 1528, retablo, óleo sobre madeira, 146,5 X 102 cm., Schlossmuseum de Darmstadt.
Anne Cresacre, nora de Sir Thomas More, 1528, pedra negra e pastel sobre papel, 37,9 X 26,9 cm. Biblioteca Real, Palacio de Windsor.
Retrato de Georg Gisze, 1532, óleo sobre madeira, 96,3 X 85,7 cm., Gemäldegalerie Berlín.
Os embaixadores, 1533 , óleo sobre taboleiro, 207 X 209 cm., National Gallery, Londres.
Retrato de Sir Richard Southwell, 1536, óleo sobre madeira, 47,5 X 38 cm., Galería Uffizi, Florencia.
Retrato de Cristina de Dinamarca, 1538, National Gallery, Londres.
Retrato de Antoine de Lorraine, 1543, Gemäldegalerie, Berlín.