Hator

Hator
Tipo	deidade exipcia, deusa, deidade da fertilidade e horned deity (en)
Venerado por	relixión do Antigo Exipto
Parte de	mitoloxía exipcia
Semellante a Baaltis (pt)
Biografía
Sexo	muller
Familia
Pai	Ra (deus)
Cónxuxe	Ra (deus) e Horus
Fillo/a	Bastet
Descrito pola fonte
Descrito pola fonte  Dicionario Enciclopédico Brockhaus e Efron  Metropolitan Museum of Art Tagging Vocabulary  Encyclopædia Britannica (9ª edición)  Pequeno Dicionario Enciclopédico de Brockhaus e Efron  Pequeno Dicionario Enciclopédico de Brockhaus e Efron  Grande Enciclopedia Soviética (1926—1947)
[ Wikidata ]

Hathor.

Hator é unha deusa do Antigo Exipto do firmamento, o amor e a guerra. O seu nome, coas variantes Hwt-Hert, Het-Heru Het-hert ou Hut-Hor, ten o significado de Casa de Horus. Correspóndese coa deidade da mitoloxía grega Afrodita, coa fenicia Astarté e coa semita Baalat. Señora do ceo, deusa do amor, deusa nutricia, do baile e as artes musicais e patroa dos ebrios na mitoloxía exipcia.

Iconografía

ou

Aparece representada baixo tres aspectos: en forma de vaca, como muller con orellas e cornos do mesmo animal, ou como muller cun toucado consitente nunha peluca, cornos e un disco solar. O seu atributo era o sistro. Na súa faceta vingadora comparte en moitas ocasións o aspecto leonino da deusa Sekhmet, e baixo esta forma é considerada como un dos ollos do deus solar Ra.

Mitoloxía

Foi a nai do deus Horus, aínda que algunhas fontes suxiren que había un matrimonio sagrado con Horus como parte do festival anual en Luxor. Xuntos vingaron a morte do pai de Horus, o deus Osiris. Xa que o faraón é identificado con Horus, Hathor é considerada como a nai divina de cada monarca reinante (entre os títulos reais figura o de Fillo de Hathor).

Baixo a forma dunha vaca acolle e protexe os defuntos, ofrecéndolles alimentos aos mortos. Máis tarde identificouse con Isis, que a substituíu como madre de Horus.

En Dendera, onde se atopaba o seu principal centro de culto, era a deusa do amor, a maternidade, a beleza xuvenil, a alegría e o erotismo. Na súa faceta funeraria, especialmente na zona oeste de Tebas era denominada Señora de Occidente. Entendíase que cada atardecer recibía o sol poñente, ao que protexía ata o seguinte amencer.

Entre os seus poderes críase que podía fixar o destino e a sorte dos meniños.

Tivo templos dedicados en Abu Simbel – identificada con Nefertari –, File, Deir el-Medina, Deir el-Bahari, Dendera, Serabit el-Jadim (Sinaí) ou Menfis.

A imaxe da cabeza da deusa foi esculpida nos capiteis das columnas de moitos templos e capelas, denominándose capiteles hathóricos. Foi a única deidade representada de tan singular maneira.

Galería de imaxes

• 
  Hathor. Museo de Luxor.
• 
  Deusa Athor do templo de Dendera.
• 
  Capitel hathórico.