Heinrich Rickert

Heinrich Rickert
	;
Biografía
Nacemento	25 de maio de 1863 ; Gdańsk, Polonia
Morte	25 de xullo de 1936 (73 anos); Heidelberg, Alemaña
Educación	Universidade Humboldt de Berlín ; Universidade de Estrasburgo
Director de tese	Wilhelm Windelband (pt)
Actividade
Campo de traballo	Filosofía e sistema educativo
Lugar de traballo	Friburgo ; Heidelberg
Ocupación	filósofo, profesor universitario
Empregador	Universidade de Freiburg im Breisgau ; Universidade de Heidelberg
Membro de	Academia Prusiana das Ciencias ; Academia de Ciências de Heidelberg (pt) ; Academia de Ciencias de Baviera ; Accademia Nazionale dei Lincei
Obra
Doutorando	Rudolf Zocher (pt)
Familia
Fillos	Arnold Rickert, Heinrich Rickert, Franz Rickert
Pai	Heinrich Rickert
Irmáns	Franz Rickert
Descrito pola fonte	Heidelberg Scholar Lexicon 1803–1932 (en) , (p.219); Obálky knih, ; Dicionario Enciclopédico Granat

Heinrich Rickert, nado en Danzig en 1863 e finado en Heidelberg en 1936, foi un filósofo alemán.

Traxectoria

Foi profesor na Universidade de Friburgo desde 1891, onde tivo como alumno a Martin Heidegger. Sucedeu en 1916 a Wilhelm Windelband na cátedra de filosofía en Heidelberg.

Integrado na escola neokantiana de Baden, desenvolveu unha "filosofía dos valores" como a prioris nos que fundar unha conceptualización científica no campo das ciencias culturais. Desta forma Rickert pensaba superar o relativismo historicista e completar ó mesmo tempo a reflexión kantiana sobre as ciencias da natureza. Os valores terían un rango ontolóxico propio diferente das realidades físicas e tamén psíquicas, pero podendo residir nun obxecto, transformándoo nun ben, ou nos actos dun suxeito, converténdoo en algo valorable.

O obxectivo das ciencias culturais consistiría en poñer en relación os feitos por elas estudados con algún valor. Agora ben, non concibe a valoración do investigador como unha arbitrariedade guiada subxectivamente, senón como unha actividade na que se debe constatar os valores que de feito actúan social e historicamente. É dicir, non se trata dunha valoración práctica (Ética), senón dunha valoración teórica (Ciencia). Pódese dicir que Rickert se sitúa a medio camiño entre as filosofías naturalistas e as filosofías vitalistas que dominaron as primeiras décadas do século XX.

Como obras salientables mencionaremos Ciencias culturais e ciencias naturais (1899), Os límites da conceptualización naturalista (1896-1902) e Filosofía da vida (1920).