Henrique Guedes da Silva

Henrique Guedes da Silva

Biografía
Nacemento	6 de marzo de 1972 (52 anos) Recife, Brasil
Altura	177 cm
Peso	75 kg
Actividade
Ocupación	futbolista
Período de actividade	1990 -
Nacionalidade deportiva	Brasil
Deporte	fútbol
Posición de xogo	Dianteiro
Número deportivo	33
Traxectoria   Equipo – Fluminense Football Club 1991–1992 São Cristóvão de Futebol e Regatas 1992–1993 União São João Esporte Clube 1993–1995 Centro Sportivo Alagoano 53 (32) 1995–1995 Paysandu Sport Club 1995–1996 Clube de Futebol Os Belenenses 13 (12) 1996–1998 UD Salamanca 13 (1) 1997–1998 → cesión:    Club Deportivo Leganés 34 (14) 1998–2000 Málaga Club de Fútbol 73 (49) 2000–2004   Celta de Vigo 115 (37) 2004–2004 → cesión:  FC Krilia Sovetov Samara 11 (1) 2005–2005 Clube Atlético Mineiro 17 (5) 2005–2005 Clube de Futebol Os Belenenses 8 (0) 2005–2005 Marília Atlético Clube 8 (4) 2006–2008   CD Linares 69 (26) 2008–2010 Unión Estepona Club de Fútbol 48 (23) 2010–2010 Sport Club Corinthians Alagoano 0 (0) 2010–2011 Centro Sportivo Alagoano 7 (3) 2012–2012 Sport Clube Santo Antônio   Selección nacional 2000–2000   España 3 (0)

Henrique Guedes da Silva, nado o 6 de marzo de 1972 en Recife (Brasil) é un futbolista que xoga na demarcación de dianteiro centro.

Traxectoria

Comezou a xogar nas categorías inferiores do Fluminense, porén ante a falta de oportunidades fichou polo São Cristovão, onde coincidiu con Vagner e Ronaldo, e despois polo CSA de Maceió, onde militou dous anos proclamándose pichichi do campionato.

Tras xogar no União São Jorge ficha polo Os Belenenses de Portugal e ao ano seguinte polo UD Salamanca, tras unha mala tempada en Salamanca é cedido ao CD Leganés, e tras un bo ano no que marca 14 goles ficha polo Málaga CF, onde pasa os seus mellores anos.

Xoga en Málaga dúas tempadas, na primeira delas proclámase pichichi de Segunda División axudando ao equipo a ascender a Primeira, e ao ano seguinte queda na segunda posición na clasificación de máximo goleador so despois de Salva Ballesta.

Estas boas actuacións fan que fiche polo Celta de Vigo por un prezo de 2300 millóns de pesetas, converténdose na fichaxe máis cara da historia do club. En Vigo comeza cuns números aceptabeis pero as súas cifras anotadoras e peso no equipo van diminuíndo ata que na tempada 2004/05 é cedido ao CF Estrela Amadora e no mercado de inverno definitivamente traspasado ao Krylia Sovietov ruso.

En Rusia non dura moito e ese mesmo ano é traspasado ao Os Belenenses, onde tampouco ten fortuna e en 2005 volve ao seu país, ao Clube Atlético Mineiro. Porén en 2006 volve a España, ao CD Linares da Segunda División B, onde xoga ata mediada a tempada 2007/08. Deixa o club a causa dos problemas económicos que o levan á disolución e ficha polo Unión Estepona CF, onde permanece ata 2010 despois de acadar o ascenso á Segunda División B.

En 2010 volve ao Brasil ao CSA de Maceió, onde seguía xogando no 2011 á idade de 40 anos.

Coa selección de fútbol

O seu bo papel no Málaga levouno a ser convocado coa Selección de fútbol de España en tres ocasións, debutou o 7 de outubro de 2000 ante Israel.