Herschel (Mimas)
 Herschel | |
|---|---|
  | |
| Datos xerais | |
| Tipo | Cráter de impacto |
| Corpo astronómico | Mimas |
| Epónimo | William Herschel |
| Datos xeográficos | |
| Coordenadas | 1°23′S 111°46′O / -1.38, -111.76 |
| Diámetro | 139 km |
| Localización | |
 _map.jpg) | |
| Identificadores | |
| GoPN | 2478 |
- Para ve-los outros cráteres do sistema solar chamados 'Herschel', ir a Herschel (cráter).
O cráter Herschel é un gran cráter de impacto que está no hemisferio de vangarda da lúa de Saturno, Mimas, moi preto do ecuador e a uns 110° de lonxitude oeste. Recibiu o seu nome en honra ó astrónomo William Herschel, quen descubriu Mimas no ano 1789.
_(9505889).jpg)
O cráter Herschel é o cráter máis grande en relación ó corpo -en equilibrio hidrostático- no cal está situado.[1] Este cráter é tan grande que os astrónomos están sorprendidos de que Mimas non se esnaquizar a causa do impacto. Mide 139 km[2] de ancho, case 1/3 do diámetro da lúa; as súas paredes teñen uns 5 km de altura,[3][1] con partes do chan do cráter que acadan case 10 kms de profundidade, e cun pico central que se eleva 6 km sobre o terreo circundante.[3] Se existise un cráter a un escala equivalente na Terra, este tería uns 4.000 km de diámetro, tan ancho coma Canadá, e cunhas paredes de 200 km de altitude. O impacto que creu o cráter Herschel debeu estar a piques de destruír Mimas por completo; pódense ver chasmata nas antípodas do cráter, seguramente estas fracturas e fendas foron creadas polas ondas de choque xeradas polo impacto e que atravesaron a lúa, focalizándose no punto oposto do impacto. Tamén se sospeita que o impacto ten moito que ver co actual patrón da imaxe da temperatura da Mimas, este patrón ten unha forma de Comecocos.[3]
Herschel no cine
[editar | editar a fonte]A semellanza entre Mimas e a Estrela da Morte do filme Star Wars, debido ó gran tamaño do cráter, é citada moi a miúdo tanto na prensa coma por parte da NASA/JPL.[4][5] Pero non é máis cunha coincidencia xa que o cráter non foi descuberto ata o ano 1980, tres anos despois de que se fixera o filme.[6]
Galería
[editar | editar a fonte]-
O cráter Herschel no terminador de Mimas. -
Imaxe de Herschel tomada pola sonda Cassini no seu sobrevoo máis próximo á superficie, feito o 13-02-2010. -
Vista da Cassini do cráter, que amosa a variación de albedo da parede do cráter no cuadrante esquerdo inferior. -
Vista en primeiro plano da cráter Herschel, incluíndo o seu pico central. -
O cráter Herschel en 3D.
Notas
[editar | editar a fonte]- ↑ 1,0 1,1 Os cráteres de lúas pequenas coma o cráter Stickney posiblemente sexan máis grandes en comparación [1]; os cráteres que puidesen existir nas lúas de planetas ananos aínda non foron fotografados.
- ↑ Gazetteer of Planetary Nomenclature. "Planetary Names: Crater, craters: Herschel on Mimas". Consultado o 11-08-2011.
- ↑ 3,0 3,1 3,2 NASA, ed. (29-03-2010). "Goddard Instrument Aboard Cassini Spacecraft Sees 'Pac-Man' on Saturn Moon". Arquivado dende o orixinal o 28-12-2022. Consultado o 11-08-2011.
- ↑ Nicholas M. Short, Sr. "Remote Sensing Tutorial Page 19-18 "Saturn and its Moons"". Arquivado dende o orixinal o 13 de setembro de 2010. Consultado o 11 de agosto de 2011.
- ↑ NASA/JPL/Space Science Institute, ed. (29-03-2010). "PIA12570: Flying by the "Death Star" Moon".
- ↑ Young, Kelly (11-02-2005). New Scientist, ed. "Saturn's moon is Death Star's twin".
