Holaspis laevis
| Holaspis laevis | |||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
_(9714928345).jpg)
| |||||||||||||||||||||||||
| Estado de conservación | |||||||||||||||||||||||||
 Pouco preocupante[1] | |||||||||||||||||||||||||
| Clasificación científica | |||||||||||||||||||||||||
| |||||||||||||||||||||||||
| Nome binomial | |||||||||||||||||||||||||
| Holaspis laevis Werner, 1896 | |||||||||||||||||||||||||
| Sinonimia | |||||||||||||||||||||||||
| |||||||||||||||||||||||||
Holaspis guentheri é unha especie de lagarto da familia dos lacértidos, subfamilia dos lacertinos, e tribo dos eremiadinos, unha das dúas integradas no xénero Holaspis.[2]
Taxonomía
[editar | editar a fonte]Descrición
[editar | editar a fonte]A especie foi descrita en 1896 polo zoólogo e explorador austríaco, especializado en herpetoloxía e entomoloxía, Franz Werner, no seu traballo "Über einige Reptilien aus Usambara (Deutsch-Ostafrika)", publicado en Verhandlungen der Kaiserlich-Königlichen Zoologisch-Botanischen Gesellschaft in Wien 45: 190-194.[3]
Etimoloxías
[editar | editar a fonte]Para a do xénero, ver Holaspis.
O epíteto específico, laevis procede do latín laevis, que significa "suave".[4]
Sinónimos
[editar | editar a fonte]Ademais do nome actualmente válido (2022), a especie coñeceuse tamén polos sinónimos:[5]
- Holaspis guentheri laevis Werner, 18961
- Holaspis guentheri laevis Arnold, 1989
- Holaspis guentheri laevis Broadley & Howell, 1991
- Holaspis guentheri laevis Kroninger in den Bosch, 2001
- Holaspis laevis Broadley, 2000
- Holaspis laevis Spawls et al., 2018
Nota taxonómica
[editar | editar a fonte]Anteriormente Holaspis laevis era considerado unha subespecie de Holaspis guentheri.[6]
Distribución
[editar | editar a fonte]Holaspis laevis está distribuído pola África central e oriental, encontrándose en Camerún, Costa do Marfil, Ghana, Guinea Ecuatorial, Kenya, Malaui, Mozambique, Nixeria, República Democrática do Congo, Serra Leoa, Tanzania e Uganda.[5]
Conservación en viveiros
[editar | editar a fonte]Case todos os espécimes de Holaspis no comercio de mascotas son de H. laevis. A cría en cativerio produciu un aumento da información sobre a bioloxía de Holaspis.[7][8]
No "Acuario de Colonia", unha femia de H. laevis de Tanzania puxo un ou dous ovos o 14 de novembro, o 22 de decembro, o 24 de febreiro e o 5 de abril. Só un ovo eclosionou despois de 54 días de incubación.[7] As femias de H. laevis depositaron ovos debaixo dunha codia. A niñada case sempre constaba de dous ovos, e rara vez as femias máis novas poñían un só. Producían niñadas cada catro ou seis semanas durante o ano. O tamaño do ovo era de entre 6,0 e 7,2 mm x 11,3 e 12,9 mm, a súa masa oscilba entre os 0,30 e os 0,38 g. A 29 °C, o tempo da incubación foi de 55 a 57 días. As crías medían de 21 a 24 mm de longo desde o fociño até a abertura xenital, e a cola medía de 30 a 35 mm de longo, e tiñan unha masa corporal de 0,23 a 0,25 g. A madurez sexual alcánzase aos 1,5 ou 2 anos en cativerio.[8]
Ameazas
[editar | editar a fonte]Spawls et al. (2002) sinalan que esta especie (como Holaspis guentheri) non tolera a deforestación, pero que esta especie estendida probabelmente non estea en risco significativo. Tal e como se entende agora, H. laevis ten unha área de distribución moito máis restrinxida que a súa conxénere pero, porén, está bastante estendida e parece depender menos dos hábitats forestais que H. guentheri'.[9]
Estado de conservación
[editar | editar a fonte]A Unión Internacional para a Conservación da Natureza e dos Recursos Naturais, considerando que esta especie ten unha área de distribución razoablemente ampla, que se encontra en varias áreas protexidas e que non está suxeita a grandes ameazas, considera o seu status como LC (pouco preocupante).[1]
Notas
[editar | editar a fonte]- ↑ 1,0 1,1 Wagner, P., Branch, W. R., Safari, I., Chenga, J. & Malonza, P. K. (2021): Holaspis laevis na Lista vermella da UICN. Versión 2022-1. Consultada o 1 de outubro de 2022.
- ↑ Holaspis Gray, 1863 no GBIF. Consultado o 1 de outubro de 2022.
- ↑ Holaspis laevis Werner, 1896 no GBIF. Consultado o 1 de outubro de 2022.
- ↑ Charlton T. Lewis & Charles Short (2000): A Latin Dictionary. ISBN 978-1-9998-5578-9.
- ↑ 5,0 5,1 Holaspis laevis Werner, 1896 en The Reptile Database.
- ↑ Arnold 1989.
- ↑ 7,0 7,1 Kroniger, Michael & Bosch, Herman (2001): Biological data on Holaspis guentheri laevis Werner, 1895 obtained from vivarium keeping.
- ↑ 8,0 8,1 Neon Blue Tailed Tree Lizard. Holaspis guentheri.
- ↑ Spawls, S. et al. 2018.
Véxase tamén
[editar | editar a fonte]Bibliografía
[editar | editar a fonte]- Arnold, E. N. (1989): "Systematics and adaptive radiation of Equatorial African lizards assigned to the genera Adolfus, Bedriagaia, Gastropholis, Holaspis and Lacerta (Reptilia: Lacertidae)". Journal of Natural History 23: 525-555.
- Chirio, L. & Ineich, I. (2006): "Biogeography of the reptiles of the Central African Republic". African Journal of Herpetology 55 (1): 23-59.
- Hoinsoude Segniagbeto, G., Trape, J.-F., Afiademanyo, K. M., Rödel, M.-O., Ohler, A., Dubois, A., David, P., Meirte, D., Glitho, I. A., Petrozzi, F. & Luiselli, L. (2015): "Checklist of the lizards of Togo (West Africa), with comments on systematics, distribution, ecology, and conservation". Zoosystema 37 (2): 381-402.
- LeBreton, M. (1999): "A working checklist of the herpetofauna of Cameroon". Amsterdam: Netherlands Committee for IUCN.
- Spawls, S., Howell, K. M., Drewes, R. C. e Ashe, J. (2018): A Field Guide to the Reptiles of East Africa. 2ª ed. San Diego, San Francisco, New York, Boston, London: Academic Press, Elsevier Science. ISBN 978-1-4729-3561-8.