Hyghalmen Roll

Hyghalmen Roll
College of Arms, Londres
Tamén coñecido como	High Almain Roll
Tipo	Armorial
Data	1447-1455 (Rodney Dennys) c. 1450 (Gwynn-Jones) c. 1485 c. 1520 (Emmanuel de Boos)
Lugar de orixe	Colonia
Lingua(s)	Alemán
Autor(es)	Descoñecido
Material	Pergamiño
Dimensións	300 × 210 mm
Condición	Restaurado en 2016
Contido	691 armas
Posesións previas	Thomas Benolt
Identificador	MS M. 5b
[ modificar datos en Wikidata ]

O armorial Hyghalmen (alemán: Hyghalmen Wappenrolle), tamén coñecido como High Almain Roll, é un armorial alemán que se conserva no College of Arms de Londres.

Características

Foi realizado en Colonia ou nos seus arredores. Non está datado de xeito uniforme na bibliografía: 1447-1455 (Rodney Dennys), c. 1450 (Gwynn-Jones), c. 1485 ou c. 1520 (Emmanuel de Boos). Está en posesión do College of Arms após ser legado por Thomas Benolt (†1534), anterior propietario e superior dos reis de armas provinciais (Clarenceux King of Arms) da propia institución inglesa.

Contén 691 escudos, entre os que se inclúen armas fabulosas como as de Xesús Cristo e de anxos, así como armas de nobres alemáns, do delfín de Francia e de condes saxóns. Tamén se representa o escudo de Galiza, sendo esta unha das máis antigas representacións que incorpora as cruces.

Algunhas imaxes amosan características propias da heráldica alemá, como a repetición de temas no escudo e na cimeira.

Galería de imaxes

• 
  Xesús representado como un armíxero.
• 
  Escudo de Galiza.

Véxase tamén

Bibliografía

• Clemmensen, Steen (2017). Armorials - listed by Sigla (PDF) (versión PDF). Ordinary of Medieval Armorials (en inglés) (2.ª ed.). Farum, Dinamarca. pp. 119–120. 
• Dennys, Rodney (1975). The Heraldic Imagination (en inglés). Londres: Barrie & Jenkins; Toronto: Anson-Cartwright Editions. pp. 97–98. ISBN 0-919974-01-5. 
• Turner, Jane (1996). Dictionary of Art (en inglés) 14. p. 415. 

Ligazóns externas

• "Hyghalmen Wappenrolle". Heraldik-Wiki (en alemán).