Iñaki Pérez Beotegi

Iñaki Pérez Beotegi

Biografía
Nacemento	31 de xullo de 1948 Vitoria, España
Morte	11 de marzo de 2008 (59 anos) Vitoria, España
Outros nomes	Wilson
Actividade
Ocupación	político
Partido político	Euskadiko Ezkerra Auzolan
Membro de	ETA político-militar Euskadi Ta Askatasuna

Iñaki Pérez Beotegi, Wilson, nado en Vitoria en 1948, e finado en Vitoria o 11 de marzo de 2008 foi un activista político vasco militante de ETA.

Despois de pasar algún tempo a estudar en Inglaterra, onde traballaban os seus pais, uniuse a ETA-V Asemblea. Alí tamén participou en folga de fame en apoio dos xulgados no Proceso de Burgos e causou un incendio na embaixada española en Londres en 1970. Volveu para o País Vasco, pero despois do secuestro de Lorenzo Zabala tivo que fuxir de novo, e, grazas ós seus coñecementos de inglés, foi o encargado de eido internacional de ETA.

É considerado, xunto a'Argala, o cerebro da Operación Ogro, que foi o asalto contra Luis Carrero Blanco. Despois, pasouse a ETA pm e foi detido en Barcelona en 1975, con Jon Paredes Manot, grazas á información do infiltrado Lobo. Pouco antes da amnistía de 1977 foi excarcerado e enviado para a Noruega con Xabier Izko de la Iglesia, Iñaki Múgica Arregi, Ezkerra, José Antonio Garmendia e Iñaki Sarasketa entre outros, ata que a amnistía lle permitiu volver.

Unha vez incorporado á vida pública ingresa en Euskadiko Ezkerra, pero o 1983 e abandónaa e funda Auzolan con Iñaki Múgica Arregi, pero tras o fracaso recuou e dedicouse a industria da hostelaría. Morreu o 10 de marzo de 2008 en Vitoria tras unha longa enfermidade.

Véxase tamén

Ligazóns externas

• Fotografía de Wilson