Imager for Magnetopause-to-Aurora Global Exploration
| IMAGE (Imager for Magnetopause-to-Aurora Global Exploration) / Explorer 78 | |
|---|---|
 Diagrama de IMAGE. | |
| Tipo | Observación terrestre. |
| Organización | NASA |
| Satélite de | Terra |
| Data de lanzamento | 25 de marzo de 2000[1][2][3] |
| Foguete portador | Delta II 7326[2][4] |
| Sitio de lanzamento | Base Vandenberg da Forza Aérea[2][5] |
| Obxectivo da misión | Estudo da magnetosfera terrestre.[2][5] |
| NSSDC ID | 2000-017A |
| Masa | 536 kg[2][4] |
| Dimensións | 2,25 metros de diámetro por 1,52 metros de longo. |
| Potencia | 250 vatios[2][5] |
| Datos orbitais | |
| Semieixo maior | 29.815,4 km[1] |
| Inclinación | 93,1 graos[1] |
| Apoapse | 46.248,4 km[1] |
| Periapse | 640,4 km[1] |
IMAGE (acrónimo de Imager for Magnetopause-to-Aurora Global Exploration), tamén coñecido como Explorer 78, foi un satélite artificial da NASA lanzado o 25 de marzo de 2000 mediante un foguete Delta II desde a base Vandenberg da Forza Aérea. IMAGE pertence ó programa MIDEX, englobado dentro do programa Explorer.[2][4]
Características
[editar | editar a fonte]A misión de IMAGE foi estudar o comportamento da magnetosfera terrestre ante as variacións do vento solar. As áreas de estudo do satélite inclúen a identificación dos mecanismos de inxección do plasma na magnetosfera durante as tormentas magnéticas, medi-la resposta da magnetosfera ante cambios no vento solar e estudar o modo en que o plasma da magnetosfera é enerxizado, transportado e perdido durante as tormentas e subtormentas magnéticas. IMAGE medía 2,25 metros de diámetro por 1,52 metros de longo.[2][4]
O satélite deixou de funcionar o 18 de decembro de 2005, cando se deixou de recibir a súa telemetría debido a un problema eléctrico a bordo.[2][4]
Instrumentos
[editar | editar a fonte]IMAGE levaba a bordo tres cámaras de átomos neutros capaces de medi-la enerxía e composición de átomos con enerxías de entre 10 e 200 eV cunha resolución temporal de 300 segundos. Ademais portaba dúas cámaras ultravioleta para o rango de lonxitudes de onda entre 120 e 180 nanómetros e para a banda dos 30,4 nanómetros, e un radar de baixa potencia operando a lonxitudes de onda de radio de entre 3 kHz e 3 MHz.[2][4]
Notas
[editar | editar a fonte]- ↑ 1,0 1,1 1,2 1,3 1,4 N2YO (2011). Real Time Satellite Tracking, ed. "IMAGE" (en inglés). Consultado o 30 de xaneiro de 2012.
- ↑ 2,00 2,01 2,02 2,03 2,04 2,05 2,06 2,07 2,08 2,09 NASA (4 de novembro de 2011). "IMAGE" (en inglés). Consultado o 30 de xaneiro de 2012.
- ↑ "Note verbale dated 2 November 2000 from the Permanent Mission of the United States of America to the United Nations (Vienna) addressed to the Secretary-General" (PDF) (01-80466(E)). 25 de xaneiro de 2001: 7. Consultado o 30 de xaneiro de 2012.
- ↑ 4,0 4,1 4,2 4,3 4,4 4,5 Gunter Dirk Krebs (2011). Gunter's Space Page, ed. "Explorer: IMAGE (MIDEX 1)" (en inglés). Consultado o 30 de xaneiro de 2012.
- ↑ 5,0 5,1 5,2 Mark Wade (2011). "IMAGE" (en inglés). Consultado o 30 de xaneiro de 2012.
