Ignacio Cordero Alonso

Ignacio Cordero Alonso

Biografía
Nacemento	1847 Zamora, España
Morte	19 de xaneiro de 1929 (81/82 anos) Baiona, España
Alcalde de Baiona
1925 – 1926 ← Manuel Barreiro Álvarez – Pedro Miranda Suárez de Puga →
Datos persoais
Relixión	Catolicismo
Educación	Universidade Central
Actividade
Ocupación	médico, político
Familia
Fillos	Consuelo Cordero

Ignacio Cordero Alonso, nado en Zamora en 1847 e finado en Baiona o 19 de xaneiro de 1929, foi un médico e político español.

Traxectoria

Naceu en 1847 en Zamora, e trasladouse a Madrid para estudar medicina. Obtivo a licenciatura na capital e xa instalado alí dedicouse por completo ao traballo de médico. A finais da década de 1880 chegou a Baiona por motivos de saúde para pasar unha tempada buscando repouso, e desde entón frecuentou a vila todos os veráns.

En 1893 conseguiu xunto co baionés Agapito Ordóñez unha concesión a perpetuidade para construír un balneario na praia da Cuncheira. Creouse en 1896, cun edificio de madeira e 20 casetas na praia. Polo balneario pasaron personalidades como Ramón y Cajal, Marqués de Quintanar ou Mercedes Ruíz de la Escalera. Colaborou en prensa escrita, e obtivo por oposición unha praza como organista nun templo relixioso. Foi elixido alcalde por unanimidade trala dimisión de Manuel Barreiro Álvarez en xuño de 1925. Ocupouse da sanidade en Baiona, entre outras, arranxando o Hospital Sancti Spiritus da vila. A súa dimisión chegaría pronto, en xuño de 1926, ao pouco de cumprir un ano no cargo. Sucedeuno por Pedro Miranda Suárez de Puga.

Faleceu poucos anos despois en Baiona, o 19 de xaneiro de 1929.