Ilaix Moriba
.jpg)  | |||||||||||||||||||||||||||||||||||||||||||
| Biografía | |||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | (es) Moriba Kourouma Kourouma 19 de xaneiro de 2003 (21 anos)Conakry, Guinea | ||||||||||||||||||||||||||||||||||||||||||
| Altura | 185 cm | ||||||||||||||||||||||||||||||||||||||||||
| Actividade | |||||||||||||||||||||||||||||||||||||||||||
| Ocupación | futbolista | ||||||||||||||||||||||||||||||||||||||||||
| Nacionalidade deportiva | Guinea | ||||||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||||||
| Posición de xogo | Centrocampista | ||||||||||||||||||||||||||||||||||||||||||
| |||||||||||||||||||||||||||||||||||||||||||
   | |||||||||||||||||||||||||||||||||||||||||||
Moriba Kourouma Kourouma, nado en Conakri (Guinea) o 19 de xaneiro de 2003, coñecido deportivamente como Ilaix Moriba, é un futbolista hispano-guineano que xoga como centrocampista no R. C. Celta de Vigo da Primeira División de España.
Traxectoria
[editar | editar a fonte]FC Barcelona
[editar | editar a fonte]Moriba chegou ao fútbol base do Fútbol Club Barcelona procedente do R. C. D. Espanyol en 2010. En xaneiro de 2019, cando o seu contrato xuvenil estaba a piques de expirar, clubs como o Manchester City e a Juventus de Turín tentaron fichalo, pero finalmente chegou a asinar un contrato récord, cun salario de máis de 500 000 euros anuais e unha cláusula de rescisión fixada a 100 millóns de euros. A tempada seguinte debutou co F. C. Barcelona "B" o 7 de setembro de 2019 na derrota por 1-0 perante o Ejea. Marcou o seu primeiro gol o 8 de marzo, o gañador na vitoria por 3-2 contra Unió Esportiva Llagostera.
Durante a tempada 2020-21, no mes de xaneiro, Koeman incluíuno no primeiro equipo por primeira vez para un partido da liga contra o Granada, malia ser suplente e non xogar ningún minuto. O 21 de xaneiro de 2021 na mesma tempada fixo o seu debut nunha vitoria a domicilio por 2-0 contra Unió Esportiva Cornellà nos dezaseisavos de final da Copa do Rey. O 13 de febreiro debutou como titular en Liga dando unha asistencia no triunfo do Barça 5-1 sobre o Deportivo Alavés.
RB Leipzig
[editar | editar a fonte]Perante a negativa do xogador por renovar o seu contrato, o club decidiu traspasalo ao R. B. Leipzig por 16 millóns de euros máis 6 en variables o 31 de agosto de 2021. O club azulgrana gardou para si un 10% dunha potencial futura venda.
Cesións en España
[editar | editar a fonte]Após de media tempada en Alemaña, o 28 de xaneiro de 2022 regresou ao fútbol español para xogar cedido no Valencia C. F. ata final de tempada. O 1 de setembro volveu ser cedido ata o 30 de xuño de 2023.
Despois desta segunda cesión en Valencia volveu a Alemaña, onde non xogou ningún partido antes de ser novamente prestado en xaneiro de 2024 a un equipo español, o Xetafe C. F. Alí completou a tempada e no mes de agosto recalou no R. C. Celta de Vigo, equipo que gardaba unha opción de compra.
Palmarés
[editar | editar a fonte]Títulos nacionais
[editar | editar a fonte]| Título | Club | País | Ano |
|---|---|---|---|
| Copa do Rei | F. C. Barcelona |  España
|
2020-21 |
Distincións individuais
[editar | editar a fonte]| Distinción | Ano |
|---|---|
| Parte dos 60 mellores futbolistas sub-17 do mundo segundo o medio TheGuardian.com[1] | 2020 |
| Mellor xogador novo da a fase de grupos da Copa Africana de Nacións | 2021[2] |
Notas
[editar | editar a fonte]- ↑ theguardian.com (ed.). "Next Generation 2020: 60 dos mejores novos talentos do fútbol mundial". Consultado o 7 de outubro de 2014.
- ↑ "Ilaix Moriba, mejor joven promesa de la Copa de África". Sport. 22 de xaneiro de 2022. Consultado o 28 de enero de 2022.
