A illa Montague é unha illa no Golfo de Alasca situada á entrada do Estreito Prince William no estado de Alasca. A illa ten unha superficie de terra de 790,88 km², a 26ª máis grande dos Estados Unidos. Segundo o censo de 2000, Montague non tiña unha poboación residente permanente, nese momento era a illa deshabitada máis grande dos Estados Unidos.[1] En 2010 o abandono da estación da Garda Costeira na Illa de Attu nas Illas Aleutianas, que ten 893 km² e é máis grande que a Illa Montague, fai que Attu reclame ese título. A illa de Montague é moi coñecida entre os pescadores deportivos polo porto de Seward que se coñece como "a terra dos xigantes". En 2007 pescouse un mero de 158 quilos e moitos barcos logran peixes de máis de 45 quiloss. Montague foi bautizada polo Capitán James Cook na honra de John Montagu, 4º Conde de Sandwich, un dos seus máis grandes partidarios.
A ecoloxía costeira da illa estivo suxeita a "cantidades sen precedentes de lixo oceánico" transportado polo vento e as correntes do Terremoto e tsunami de Sendai de 2011 no Xapón, de acordo co Centro de Estudos Costeiros de Alasca, en maio de 2012.[2] Unha limpeza a grande escala comezou o 22 de maio de 2012, financiado pola The Marine Conservation Alliance Foundation.
e Região Censitária de Valdez-Cordova, Estados Unidos de América (pt) 
) × 81 (
) km 
