Illa Necker, Illas Virxes

Illa Necker, Illas Virxes
Tipo	illa
Parte de	Illas Virxes
Situado na entidade xeográfica	Illas Virxes
Localización
División administrativa	Illas Virxes Británicas - British Virgin Islands, Reino Unido
	18°31′37″N 64°21′34″O / 18.526903, -64.3595613
Bañado por	Mar Caribe
Características
Altitude	16 m
Dimensións	0,65 () × 0,84 () km ;
Superficie	74 acre
Actividade
Propietario	Richard Branson
Sitio web	virginlimitededition.com…

Illa Necker (inglés Necker Island) é unha illa de 30 hectáreas^[1] no arquipélago das Illas Virxes Británicas xusto ao norte de Virgin Gorda no Caribe pertencentes a Reino Unido. Os terreos da illa son propiedade de Sir Richard Branson, presidente do Grupo Virgin, e forma parte da carteira de Virgin Limited Edition de propiedades de luxo. Toda a illa funciona como un resort e pode acomodar ata 34 hóspedes, con espazo adicional para seis nenos.^[2]

Xeografía

A illa Necker está situada no mar Caribe a 11 km ao nordés da illa principal de Tórtola e a 5´9 km ao norte da Virgin Gorda e ao nordés de Prickly Pear e tamén da illa Mosquito (ás veces chamada Moskito Island), que tamén é propiedade de Branson. As Illas Virxes Británicas (IVB) son un grupo de illas que se atopa a preto de 1815 km. ao sueste de Miami, Florida, 184 km., ao leste de San Xoán de Porto Rico, e preto de 175 km. ao noroeste de Saint-Barthélemy.

A illa é de orixe volcánica, ten unha superficie de ao redor de 0,3 km² e está rodeada por un arrecife de coral. Devil´s Hill ten a altura máxima cuns 50 metros sobre o mar

É unha illa de propiedade privada e non ten poboación permanente. Á illa só se pode chegar por helicóptero ou barco, o transbordador desde Tórtola tarda uns 30 minutos e desde Virgin Gorda uns 15 minutos.

Historia

Illa Necker foi descuberta en 1493 por Cristovo Colón, durante a súa segunda viaxe ó Novo Mundo. Probablemente estivo sempre deshabitada ata finais do século XX.

A illa recibiu o nome de comandante da escuadra neerlandesa do século XVII,capitán Johannes de Neckere.

En 1672 a illa incorporouse á colonia británica de Antiga. En 1773 converteuse con outras illas no territorio das Illas Virxes Británicas.

En 1979 comprou a illa o aventureiro e empresario Sir Richard Branson. Tomoulle preto de 3 anos e 10 millóns de dólares transformar a illa nun complexo privado de luxo. A illa pode acomodar a 28 persoas e alúgase por 46.000 dólares por día.

O turismo é a única fonte de ingresos da illa, alugándose a persoas famosas que queren pasar as súas vacacións na illa.

Compra da illa por Richard Branson

Richard Branson soubo que algunhas das illas das Illas Virxes Británicas estaban á venda en 1978. Pouco despois Branson foi ás Illas Virxes Británicas de vacacións para investigar os posibles negocios inmobiliarios. ao observar as illas por primeira vez, pensou usalas para vendelas a estrelas do rock da súa discográfica. Percorreu as illas en helicóptero a última illa que viu foi a illa de Necker e, despois de subir ao outeiro e quedar sorprendido pola vista e a vida salvaxe, decidiu mercar a illa. Despois de facer unha oferta de baixo valor de 100.000 dólares por unha illa de 6 millóns de dólares (debido aos seus fondos relativamente modestos naquel momento na súa carreira), foi rexeitado e escoltado de volta ao continente. Un ano despois, o propietario, John Lyttelton, 11º Vizconde de Cobham, necesitado de capital a curto prazo, finalmente vendeulla por 120.000 dólares.^[3] (Algunhas fontes afirman que Branson mercou a illa por 180.000 dólares),^[4] aínda que o propio Branson dixo a comprou por 120.000.^[5] Non obstante, o goberno impuxo unha restrición aos propietarios estranxeiros, o novo propietario tiña que desenvolver un resort dentro dos catro anos seguintes ou a illa volvería ao estado. Branson comprometeuse a construír un resort na súa illa dos seus soños tropicais.

Cando Branson mercou a illa, estaba deshabitada.^[6] El mercou a illa aos 28 anos, apenas seis anos despois de comezar co Grupo Virgin. Tardou tres anos e uns 10 millóns de dólares en convertela nunha illa privada. Usando pedra local, frondosas brasileiras, antigüidades asiáticas, alfombras indias, pezas de arte e tecidos e mobles de bambú de Balí, os arquitectos e deseñadores crearon unha vila en estilo balinés de 10 dormitorios na parte superior dun outeiro sobre a praia. Cada un dos dez dormitorios ten paredes abertas, ofrecendo unha vista de 360 graos. A illa ten unha capacidade de aloxamento para 30 persoas e alugase por 65.000 dólares por día, 2.167 dólares por persoa e día. O custo de aloxamento inclúe o acceso a dúas praias, piscinas privadas, pistas de tenis, vistas escénicas, un chef persoal, un equipo de preto de 100 empregados e unha ampla gama de equipos para deportes acuáticos.^[7]^[8]

Privacidade e acceso

Aínda que os terreos da illa son de propiedade privada, de acordo a lei británica das Illas Virxes, todas as praias ata a liña da marea alta son terras da coroa e están abertas ao público.

Notas

↑ Margie Goldsmith (9 December 2013). "Where to vacation when you win the lottery". The Globe and Mail Inc. Consultado o 22 de xaneiro de 2017. Sir Richard Branson looks out at the glittering turquoise sea from a terrace of the Great House on Necker Island, his 30-hectare private paradise in the British Virgin Islands.
↑ Contact Us | Necker Island
↑ Rubenstein, David; Branson, Richard (25 de xullo de 2018). The David Rubenstein Show: Richard Branson. Bloomberg (en inglés). Escena en 16:02. Consultado o 28 de febreiro de 2019.
↑ Wang, Amy B.; Horton, Alex (8 de setembro de 2017). "Richard Branson emerges from wine-cellar bunker after Irma ‘utterly devastated’ his private island". The Washington Post. Consultado o 28 de febreiro de 2019.
↑ Branson, Richard. "A gorgeous girl named Joan, a Virgin Island & an unacceptable offer". Virgin.com. Consultado o 9 de febreiro de 2017.
↑ "Necker Island". Private Islands Online. Private Islands Inc. Arquivado dende o orixinal o 08 de xullo de 2008. Consultado o 24 de agosto de 2019.
↑ Richard Branson's treasure island where world's richest celebrities holiday, CNN, 2014-08-21. accessed 2015-05-15.
↑ Necker Island prices, accessed 2015-05-15.

Véxase tamén

Ligazóns externas

Páxina oficial da illa Necker^{[Ligazón morta]}– Sitio web Virgin Limited Edition (en inglés)
Necker Island photographic guide enThe Paradise Island (en inglés)

[1] Margie Goldsmith (9 December 2013). "Where to vacation when you win the lottery". The Globe and Mail Inc. Consultado o 22 de xaneiro de 2017. Sir Richard Branson looks out at the glittering turquoise sea from a terrace of the Great House on Necker Island, his 30-hectare private paradise in the British Virgin Islands.

[2] Contact Us | Necker Island

[3] Rubenstein, David; Branson, Richard (25 de xullo de 2018). The David Rubenstein Show: Richard Branson. Bloomberg (en inglés). Escena en 16:02. Consultado o 28 de febreiro de 2019.

[4] Wang, Amy B.; Horton, Alex (8 de setembro de 2017). "Richard Branson emerges from wine-cellar bunker after Irma ‘utterly devastated’ his private island". The Washington Post. Consultado o 28 de febreiro de 2019.

[5] Branson, Richard. "A gorgeous girl named Joan, a Virgin Island & an unacceptable offer". Virgin.com. Consultado o 9 de febreiro de 2017.

[6] "Necker Island". Private Islands Online. Private Islands Inc. Arquivado dende o orixinal o 08 de xullo de 2008. Consultado o 24 de agosto de 2019.

[7] Richard Branson's treasure island where world's richest celebrities holiday, CNN, 2014-08-21. accessed 2015-05-15.

[8] Necker Island prices, accessed 2015-05-15.

[1]

[2]

[3]

[4]

[5]

[6]

[7]

[8]