Inukai Tsuyoshi

Inukai Tsuyoshi
	;
Nome orixinal	(ja) 犬養毅
Biografía
Nacemento	4 de xuño de 1855 ; Okayama, Xapón
Morte	15 de maio de 1932 (76 anos); Toquio, Xapón
Causa da morte	homicidio
Lugar de sepultura	Cemiterio de Aoyama 35°40′00″N 139°43′20″L / 35.6667, 139.7222
29º Primeiro ministro do Xapón
	13 de decembro de 1931 – 16 de maio de 1932 ; ← Wakatsuki Reijiro (pt) – Saito Makoto (pt) → ; Membro do gabinete: Inukai Cabinet (en)
Membro da Cámara de Representantes do Xapón
	1890 – 1932
Datos persoais
Educación	Universidade Keio (pt)
Actividade
Ocupación	político, xornalista
Período de tempo	Século XIX e Século XX
Empregador	Hōchi (en)
Partido político	Rikken Seiyūkai (pt) ; Kensei Hontō (en) ; Rikken Kokumintō (en) ; Chūgoku Progressive Party (en) ; Rikken Kaishintō (pt) ; Kakushin Club (en)
Pseudónimo literario	仙次郎 ; 昭和の実盛 ; 憲政の神様 ; 台光院殿沈毅木堂大居士
Familia
Fillos	Takeru Inukai
Parentes	Kenkichi Yoshizawa, xenro
Premios
	Gran Cordón da Orde do Sol Nacente; Order of the Rising Sun with Paulownia Flowers, 1st class (en) ;
	Sinatura
Descrito pola fonte	Grande Enciclopedia Soviética 1969-1978, (sec:Инукаи Цуёси)

Inukai Tsuyoshi (犬養毅^?, nado o 20 de abril de 1855 e finado o 15 de maio de 1932) foi un político xaponés, vixésimo noveno primeiro ministro do Xapón (desde o 13 de decembro de 1931 até o 15 de maio de 1932, día do seu asasinato). Era o bisavó de Sadako Ogata.^[1]

Traxectoria

Primeiros anos

Naceu nunha familia de samuráis no Niwase han, provincia de Bizen (actual cidade de Okayama, na prefectura de Okayama), e graduouse na Universidade Keiō de Tokio. Na súa mocidade traballou como xornalista. Acompañou ao Exército Imperial Xaponés durante a Rebelión de Satsuma como reporteiro do Yubin Hochi Shimbun.

Carreira política

Inukai uniuse ao partido Rikken Kaishintō en 1882, que apoiaba as causas políticas liberais e opúxose aos membros dos antigos dominios Chōshū e Satsuma que controlaban o goberno. Foi elixido deputado da Cámara de Representantes en 1890, e renovou o escano dezasete veces.

O seu primeiro posto de gabinete foi como ministro de Educación no primeiro goberno de Okuma Shigenobu en 1898, e como ministro de Asuntos Internos e Comunicacións no segundo mandato de Yamamoto Gonnohyoe.

Foi unha figura clave no Shinpotō, no Kenseitō e no Rikken Kokumintō, que finalmente acabou co goberno de Katsura Tarō en 1913.

En 1922, o Rikken Kokuminto converteuse no Kakushin Kurabu, que uniu forzas con outros partidos máis pequenos para formar o gabinete de Katō Takaaki en 1924. Inukai serviu no gabinete como Ministro de Asuntos Internos e Comunicacións. O Kakushin Kurabu fusionouse co Rikken Seiyūkai, dos cales Inukai continuou sendo un membro clave. En 1929, tras a morte repentina de Tanaka Giichi, converteuse en presidente do Rikken Seiyūkai.

Primeiro ministro

Inukai converteuse no 29º primeiro ministro do Xapón en 1931. Nese momento, Xapón afrontaba unha grave situación económica debido aos efectos da Gran Depresión de 1929 e o seu prematuro retorno ao patrón ouro. O goberno de Inukai tomou medidas para inflar a economía. Non obstante, non puido impoñer restricións fiscais ao exército nin controlar os asuntos militares na China, despois do incidente de Manchuria. A constante disputa co poder militar levou ao asasinato de Inukai durante o golpe do 15 de maio de 1932 -un grupo de fanáticos vinculados á Mariña matárono despois de que ratificara o Tratado de Londres, que puxo límites á Mariña-,^[2] e marcou o fin do control político civil no goberno até o final da Segunda guerra mundial.

Notas

↑ "Sadako Ogata: First female UN refugee chief dies at 92". BBC News (en inglés). 2019-10-29. Consultado o 2022-07-09.
↑ Shin-Ichi 2013, p. 21.

Véxase tamén

Bibliografía

Bix, Herbert B. Hirohito e a creación do Xapón moderno . HarperPerennial (2001). ISBN 0-06-093130-2
Brendon, Piers. The Dark Valley: A Panorama of the 1930s . Vintage; reedición (2002). ISBN 0-375-70808-1
Oka Yoshitake, et al. Cinco líderes políticos do Xapón moderno: Ito Hirobumi, Okuma Shigenobu, Hara Takashi, Inukai Tsuyoshi e Saionji Kimmochi . University of Tokyo Press (1984). ISBN 0-86008-379-9
Shin-Ichi, Yamamuro (2013). "L'empire du Japon et le choc de la Première Guerre mondiale" 1 (249): 5–32.

Ligazóns externas

Predecesor: Wakatsuki Reijirō	Primeiro ministro do Xapón 1931 - 1932	Sucesor: Saitō Makoto

[1] "Sadako Ogata: First female UN refugee chief dies at 92". BBC News (en inglés). 2019-10-29. Consultado o 2022-07-09.

[FOOTNOTEShin-Ichi201321-2] Shin-Ichi 2013, p. 21.

[1]

[2]