Isaac Singer

Isaac Singer
	;
Biografía
Nacemento	27 de outubro de 1811 ; Pittstown, Estados Unidos de América (en)
Morte	23 de xullo de 1875 (63 anos); Paignton (Reino Unido de Gran Bretaña e Irlanda)
Lugar de sepultura	Torquay (pt)
Actividade
Ocupación	inventor, actor de teatro, empresario
Obra
	Obras destacables Oldway Mansion (en) ;
Familia
Cónxuxe	Isabella Eugénie Boyer (1863–valor descoñecido); Catharine Maria Haley
Fillos	Mortimer Singer; () Isabella Eugénie Boyer; Winnaretta, Princesse Edmond de Polignac; () Isabella Eugénie Boyer; Washington Singer; () Isabella Eugénie Boyer; Paris Singer; () Isabella Eugénie Boyer; Isabelle Singer; () Isabella Eugénie Boyer; Franklin Morse Singer; () Isabella Eugénie Boyer
Pais	Adam Singer e Ruth Benson
Descrito pola fonte	Appletons' Cyclopædia of American Biography, (sec:Singer, Isaac Merritt); Obálky knih,

Isaac Merritt Singer, Pittstown (Nova York) o 26 de outubro de 1811 e finado en Paignton (Devon) o 23 de xullo de 1875, foi un inventor estadounidense, actor e empresario. Realizou importantes melloras no deseño da máquina de coser e foi o fundador de Singer Sewing Machine Company (Compañía de máquinas de coser Singer). Varios inventores patentaron máquinas de coser antes ca el, mais o seu éxito baseouse na practicidad da súa máquina, a facilidade coa que podía ser adaptada para o uso doméstico e que podía ser pagada a prazos.

Traxectoria

Primeiros anos

Singer naceu en Pittstown, Nova York, e era o fillo máis novo do inmigrante saxón Adam Singer (nado Reisinger) e da súa primeira esposa Ruth Benson. Os seus pais divorciáronse en 1821 cando tiña 12 anos, o que lle produciu certos problemas emocionais e fixo que tivese que abandonar a luxosa mansión onde vivía e trasladarse a Oswego co seu irmán máis vello. Alí estudou, logo do cal se ocupou durante sete anos en empregos precarios ata os 19 anos, cando sendo aprendiz de mecánico descubriu a súa vocación como actor de teatro. Os seus ingresos viñan do seu traballo como mecánico, tanto como do de actor. En 1830 casou con Catherine Maria Haley.

En 1835 mudouse con Catherine e o seu fillo William a Nova York onde comezou a traballar nunha editorial. En 1836 deixou a cidade para ir como axente de actores a Baltimore, onde coñeceu a Mary Ann Sponsler, a quen lle propuxo matrimonio. Volveu a Nova York, onde el e Catherine tiveron unha filla, Lillian, nada en 1837.

Despois de que Mary Ann chegase a Nova York e descubrise que Singer xa estaba casado, ela e Singer volveron a Baltimore, onde simularon ser matrimonio. O seu fillo Isaac naceu en 1837.

Carreira

En 1839 Singer conseguiu a súa primeira patente por unha máquina para tradear pedras vendida por 2000 dólares. Isto era máis diñeiro do que gañara na súa vida e debido ao seu éxito financeiro, optou por volver á súa carreira como actor. Foi de xira durante cinco anos, formando un grupo teatral, "Merritt Players", en que actuaba baixo o nome de Isaac Merritt. Mary Ann tamén participou nalgunhas actuacións, facéndose chamar "Sra. Merritt".

En 1844 conseguiu un emprego nunha imprenta en Fredericksburg, Ohio, aínda que se mudou en pouco tempo a Pittsburgh en 1846 para fundar unha tenda de madeira para fabricar teclas de madeira e sinais. En Pittsburgh descubriu e patentou unha «máquina para tallar madeira e metal» o 10 de abril de 1849.

Con 38 anos, tendo dúas esposas e oito fillos, mudouse coa súa familia de volta a Nova York, esperando facer negocio coa súa máquina nesta cidade. Obtivo un adianto para construír un prototipo, para desta maneira conseguir unha oferta para comercializar o seu invento en Boston. A Boston foi onde se mudou en 1850 para vender a súa invención na tenda de Orson C. Phelps, onde Lerow e Blogett estaban a construír máquinas de coser. Phelps pediulle a Singer que as observase, xa que eran difíciles de usar e fabricar. Singer descubriu que a máquina de coser sería máis fiable se o lanzador se movía en liña recta e a agulla era recta.

Singer obtivo diñeiro, outra vez, de George B. Zieber, co que chegou a ser compañeiro, ademais de con Phelps, na fabricación da «máquina de coser de Jenny Lind», chamada así en homenaxe á soprano sueca Jenny Lind. Recibiu a patente para mellorar a máquina de coser o 12 de agosto de 1851. Cando se empezou a vender, o modelo de Singer impúxose ao de Jenny Lind, por tratarse dun modelo máis práctico.

Véxase tamén

Ligazóns externas

Biografía de Isaac M. Singer (en inglés)