Jack Gould

Jack Gould
Biografía
Nacemento	5 de febreiro de 1914 ; Nova York, Estados Unidos de América
Morte	24 de maio de 1993 (79 anos); Berkeley, Estados Unidos de América
Actividade
Ocupación	xornalista
Empregador	The New York Times
Premios
	(1956) Premios Peabody; (1952) George Polk Award (en) ;

Jack Ludlow Gould, nado o 5 de febreiro de 1914 en Nova York e finado o 24 de maio de 1993 en Berkeley (California), foi un xornalista estadounidense especializado na crítica de teatro, radio e televisión estadounidense.

Traxectoria

En 1932 entrou a traballar no New York Herald Tribune como mozo de recados, aprendeu o oficio e especializouse na crítica teatral, en 1937 pasou ao New York Times seguindo coa crítica teatral ata comezos da década de 1940 cando pasou a realizar crítica de radio, en 1944 converteuse no editor da sección de radio do xornal, a partir de 1947 pasou a centrarse na crítica televisiva, converténdose nun dos máis influentes do país^[1]. En 1958 publicou All about radio and television dedicado á divulgación do mundo da radio e da televisión entre os máis novos. Gould criticou a difusión que as televisións fixeron do fenómeno de Elvis Presley, unha visión compartida por boa parte dos adultos de clase media branca na década de 1950^[2]

Notas

[1] Martin Shefter Capital of the American century: the national and international influence of New York City, p.139

[2] Gary Donaldson Modern America: a documentary history of the nation since 1945, p. 79

[1]

[2]