Jay Schiltz

Jay Schiltz
	;
Biografía
Nacemento	28 de xaneiro de 1958 ; Steinfort, Luxemburgo (en)
Morte	20 de maio de 2020 (62 anos)
Actividade
Ocupación	artista de cabaret, xornalista, autor
Membro de	Q16764096
Familia
Cónxuxe	Francine Closener

John (" Jay ") Schiltz, nado en Steinfort o 28 de xaneiro de 1958 e finado o 20 de maio de 2020 ^[1], foi un xornalista, escritor e artista de cabaré luxemburgués.

Traxectoria

Fillo do escritor Roger Schiltz. Despois de completar a súa educación secundaria no Athénée de Luxemburgo en 1978 entrou no mercado laboral, primeiro traballou no ferrocarril e logo na administración municipal de Steinfort. Ao inicio da década de 1990 entrou no xornalismo traballando na redacción de RTL Radio Lëtzebuerg e a partir de 1998 en RTL Télé Lëtzebuerg.

Dende o 1 de xaneiro de 2002 ata principios de decembro de 2013 foi redactor xefe da emisora pública Radio 100,7. Renunciou ao cargo para non entrar nun conflito de intereses, tras o nomeamento da súa esposa, Francine Closener como secretaria de Estado no goberno Bettel-Schneider ^[2] .

Jay Schiltz escribiu en luxemburgués obras de teatro dende 1991 e a partir de 2000 tamén escribiu textos para espectáculos de cabaré. De xaneiro de 2003 a maio de 2006 escribiu artigos para Kulturissmo, o suplemento cultural de Tageblatt .

En 1997 con motivo do Ano Europeo contra o Racismo e por iniciativa de Charles Goerens^[3] organizouse unha viaxe de 120 estudantes de secundaria luxembugueses ao campo de concentración de Auschwitz en Polonia. As viaxes fixéronse anuais e organizadas pola asociación Témoins de la 2ª Géneration e dende a súa constitución en 2001^[3]Schitlz foi o seu vicepresidente^[4]. Froito do seu labor e desas viaxes foi o libro Aschengenger - Erzählung einer langen Reise que se editou en 2003 en alemán.

Obra

Libros

Aschengänger - Erzählung einer langen Reise, Literareon, Herbert Utz Verlag, München, 2003, ISBN 978-3-8316-1127-0
No comment - Commentairen, Ultimomondo, Sandweiler, 2008, ISBN 978-2-919933-46-4

Teatro

Game over, 1991
Schäinhelleger Owend,, 1992
Eng Schnéischëpp, Chreschtdag an eng Rees an Italien, 1996
E Wäibierg an Alaska, 2005
Wanterdreem, 2007
Papa, tu dors?, 2008
De Schaf, 2009
Ängri ould börds, 2013

Cabaré

Para Cabarenert
- Endstatioun Geenzuucht, con Josy Braun e Rol Gelhausen, 2000
- Onkraut vergeet net, con Josy Braun e Rol Gelhausen, 2000
- Fixfeier, con Josy Braun e Rol Gelhausen, 2001
- Maach d'Kräiz... an alles bleift besser, con Rol Gelhausen, 2003
- Schwamm driwwer, con Josy Braun e Rol Gelhausen, 2005
- Alles am A..., con Rol Gelhausen e Claudine Muno, 2007
Para Cabaret Roude Léiw
- Béierdéckelsgespréicher, 2006
- Béierdéckelsgespréicher 2, 2009
Espectáculos individuais
- An-Eck-Doten, 2005
- Ex Cathédral, 2010
- No politics, 2016

Notas

↑ "Jay Schiltz s'en est allé." wort.lu, 21 mai 2020.
↑ Lëtzebuerger Land: "A l'usure", 9. Dezember 2011, Säit 5
↑ ^3,0 ^3,1 "Buts" Arquivado 25 de maio de 2020 en Wayback Machine.. temoins.lu
↑ "Jay Schiltz est décédé".Paperjam, 20 de maio de 202

[1] "Jay Schiltz s'en est allé." wort.lu, 21 mai 2020.

[2] Lëtzebuerger Land: "A l'usure", 9. Dezember 2011, Säit 5

[temoins-3] 3,0 ^3,1 "Buts" Arquivado 25 de maio de 2020 en Wayback Machine.. temoins.lu

[4] "Jay Schiltz est décédé".Paperjam, 20 de maio de 202

[1]

[2]

[3]

[4]