Jean-Louis Forain

Jean-Louis Forain

Biografía
Nacemento	(fr) Louis Henri Forain 23 de outubro de 1852 Reims, Francia
Morte	11 de xullo de 1931 (78 anos) París, Francia
Lugar de sepultura	Cemetery of Le Chesnay (en)
Educación	Escola Nacional Superior de Belas Artes
Actividade
Ocupación	pintor, escultor, augafortista, artista gráfico, debuxante, litógrafo, gravador, caricaturista, ilustrador, artista visual
Membro de	Real Academia de Arte (membro de honra) (1931–) Academia de Belas Artes (1923–) Republic of Montmartre (en) (membro fundador, presidente) (1920–) Ligue de la Patrie Française‏ (en)
Xénero artístico	Retrato
Obra
Obras destacables Dancer standing behind a covering slide (en) En correctionnelle (1918) La Maison retrouvée
Arquivos en	Library of the National Institute of History of Art (en) Institut National d'Histoire de l'Art (en) , fundo (pt) Archives 095
Familia
Cónxuxe	Jeanne Forain (1891–)
Cronoloxía
14 de xaneiro de 2020	restitution of Nazi-looted art (en)
Premios
(28 de xaneiro de 1928)  comandante da Lexión de Honra (15 de xaneiro de 1920)  Oficial da Lexión de Honra (13 de xullo de 1893)  Cabaleiro da Lexión de Honra
Descrito pola fonte	Obálky knih, Enciclopedia Británica de 1922 Encyclopædia Britannica

Jean-Louis Forain , nado en Reims o 23 de outubro de 1852 e finado o 11 de xullo de 1931, foi un pintor, debuxante, caricaturista e ilustrador francés, vinculado a Toulouse-Lautrec, a quen en realidade precedeu como observador da vida moderna. É considerado o membro máis novo do grupo impresionista.

Traxectoria

Naceu no seo dunha modesta familia de artesáns. Trasladado a París ao once anos de idade, contou coa protección do escultor Jean-Baptiste Carpeaux e estudou por un tempo na École deas Beaux-Arts, no estudo de Jean-Léon Gérôme e co caricaturista André Gill, aínda que a súa formación foi autodidacta en gran medida. Destacou como ilustrador de publicacións como Le Monde parisien e Le Rire. Tamén buscou o humor nos seus debuxos máis satíricos de xuíces e avogados, nos que tivo un ilustre predecesor, Honoré Daumier. Segundo Siro, Forain foi un dos autores que máis influíron en Castelao, xunto con Olaf Gulbransson, o primeiro polos seus textos nos pés de páxina e o segundo pola liña. Baixo influencia de Manet e Degas, Forain abordou temas recorrentes neles: o teatro, os cafés, a ópera, as casas de alterne e as carreiras de cabalos. Entre 1879 e 1886 participou en catro exposicións impresionistas, invitado por Degas e nunha colectiva da galería Durand-Ruel en Nova York.

A súa primeira mostra individual foi en 1890, na galería Boussod et Valadon dirixida por Theo van Gogh, irmán de Vincent.

Destacou como autor popular a partir de 1890, coas súas caricaturas satíricas. Admirador de Goya, visitou Madrid en 1894 e 1900, a segunda vez para visitar unha exposición súa.

En 1913 expuxo 390 piezas no Museo de Artes Decorativas de París, e en 1917 participou na Exposición de Arte Francesa celebrada en Barcelona con 75 obras. En 1921, por compromiso ofrece ao museo de Reims, a súa cidade natal, un importante lote de debuxos. Morreu o 11 de xullo de 1931

Obras

• Scène de café (1878). Museo de Brooklyn
• Bailarina en rosa. Colección Thyssen-Bornemisza.
• Vestíbulo en la Ópera. Museo de Belas Artes de Boston.
• Le Veuf (1884). Museo de Orsay.
• Anna de Noailles (1905).

Exposicións

• De xuño a setembro de 1952, na Bibliothèque nationale polo centenario do seu nacemento.
• De maio a xuño de 1978, no museo Marmottan de París.
• De xaneiro a xullo de 1986, no Museo des deux guerres mondiales.
• 2003, no museo Brayer de Baux de Provence.
• Do 8 de abril ao 28 de setembro de 2003 no museo Angladon de Aviñón.
• Do 10 de marzo ao 5 de xuño de 2011 no Petit Palais de París.

Galería

• 
  Jean-Louis Forain debuxando no seu estudio
• 
  A danseuse - Jean-Louis Forain
• 
  Danseuse et admirateur derrière a scène (Museo de Belas Artes de Buenos Aires)
• 
  A funambulista (Art Institute de Chicago)

Véxase tamén

Ligazóns externas

• Ficha de Jean-Louis Forain en Artehistoria
• Caricatura de Forain