Jean d'Orbais
| Biografía | |
|---|---|
| Nacemento | c. 1175 (Gregoriano)  Orbais-l'Abbaye, Francia |
| Morte | 1231 (Gregoriano) (55/56 anos) Reims, Francia |
| Actividade | |
| Ocupación | arquitecto |
| Obra | |
Obras destacables
| |
Jean d'Orbais, nado en 1175 e finado en 1231, foi un arquitecto do Gótico, francés.[1]
O primeiro arquitecto da catedral de Reims proviña das obras que se realizaban na igrexa abacial de Orbais. Tiña coñecemento das catedrais de Laon, Chartres e Soissons, o que lle permitiu realizar unha síntese admirable.
Os traballos da catedral comezaron do lado do arcebispado, partindo do costado meridional do transepto e do coro. Elévase a construción da ábsida, do transepto e do coro e execútase gran parte da nave, os seis grandes piares do lado norte partindo do cruzamento e, dous do lado sur, os que separan a quinta trabe. As partes do coro parecen desprazar o nivel do triforio e comprenden as xambas das ventás altas até a carga por encima dos capiteis das bóvedas.
D’Orbais construíu gran parte da nave, até a cuarta trabe e levantou os muros exteriores, a excepción da cornixa. Realizou os traballos até o ano 1228, no que foi despedido polo arcebispo Henri de Braisne.
Notas
[editar | editar a fonte]- ↑ Harvey, John (1950). Batsford, ed. The Gothic World.
