Jesús Núñez Fernández

Jesús Núñez Fernández
Biografía
Nacemento	6 de novembro de 1927 ; Betanzos, España
Morte	6 de outubro de 2023 (95 anos); Betanzos, España
Educación	Real Academia de Belas Artes de San Fernando ; Escola Nacional Superior de Belas Artes
Actividade
Ocupación	pintor, escultor, gravador
Membro de	Centro Internacional da Estampa Contemporánea

Jesús Núñez Fernández, nado en Betanzos o 6 de novembro de 1927 e finado ibídem o 6 de outubro de 2023, foi un pintor, escultor e gravador galego.

Biografía

Procedente dunha familia de empresarios brigantinos, Jesús Núñez estudou gravado na Escola de Belas Artes de San Fernando e na Escola Nacional de Artes Gráficas, en Madrid, ampliando estudos en Berlín e París. En 1954 celebrou a súa primeira exposición individual na Coruña, e en 1962 participou nas bienais de Venecia e Toquio.

Obtivo o seu maior galardón como gravador en 1963, ao recibir o gran premio de gravado no II Certame Nacional de Artes Plásticas, celebrado en Madrid. Entre as súas distincións tamén se encontran o segundo premio internacional de deseño téxtil na bienal de Artes Aplicadas de Punta del Este (1967), e o primeiro premio de arte en estampación da Exposición Nacional de Arte Contemporánea de Madrid (1970).

A súa obra abarca practicamente todas as técnicas do gravado, así como a pintura, escultura, deseño téxtil e de xoias, e mesmo o deseño de mobiliario, encontrándose representado nos principais museos estatais de arte contemporánea.

O seu maior empeño foi a creación do Centro Internacional da Estampa Contemporánea en Betanzos, a raíz dun curso de veráno de gravado impartido en 1985 no marco da Universidade Internacional Menéndez Pelayo.

En abril de 2014 foi nomeado fillo predilecto da súa cidade natal.

Véxase tamén

Bibliografía

"Núñez Fernández, Jesús", artigo na Gran Enciclopedia Galega Silverio Cañada (Tomo 22). Santiago de Compostela, 1974.
Jesús Núñez. Deputación da Coruña, 1998.