Jim Loscutoff

Jim Loscutoff
	;
Biografía
Nacemento	4 de febreiro de 1930 ; San Francisco, Estados Unidos de América
Morte	1 de decembro de 2015 (85 anos); Naples, Estados Unidos de América (pt)
Causa da morte	pneumonía
Datos persoais
País de nacionalidade	Estados Unidos de América
Educación	Palo Alto High School (en) ; Universidade de Oregon (pt)
Altura	196 cm
Peso	100 kg
Actividade
Ocupación	baloncestista
Período de actividade	1955 - 1964
Nacionalidade deportiva	Estados Unidos de América
Deporte	baloncesto
Liga	Baloncesto masculino da División I da NCAA e National Basketball Association
Posición de xogo	Ala
Convocado por	Boston Celtics
Traxectoria

James "Jim" Loscutoff, nado en San Francisco (California) o 4 de febreiro de 1930, é un ex xogador profesional de baloncesto estadounidense que xogou durante 9 tempadas na NBA, todas elas en Boston Celtics, cos que gañou sete aneis de campión. Con 1,96 metros de altura, xogaba na posición de aleiro.

Traxectoria deportiva[editar | editar a fonte]

Universidade[editar | editar a fonte]

Comezou a súa carreira universitaria no Grant Tech Community College de Oakland (California), onde pasou dous anos antes de ser transferido á Universidade de Oregón. Tras un ano cos Ducks, incorporouse ás Forzas Armadas dos Estados Unidos, onde pasou tres longos anos antes de volver de novo á universidade para terminar a súa carreira. En total promedió 14,9 puntos e 14,8 rebotes por partido.^[1] Como homenaxe á súa brillante traxectoria foi incluído no Salón da Fama do Deporte de Oregón.

Profesional[editar | editar a fonte]

Foi elixido na cuarta posición no Draft da NBA de 1955 por Boston Celtics, onde se incorporou xa con 25 anos. Foi elixido expresamente polo adestrador Red Auerbach para dotar de máis intensidade defensiva ao seu equipo, que aínda que en ataque foi o primeiro en ter unha media de máis de 100 puntos nunha tempada, a 1954-55, o seu defensa era das peores da liga.

Foi designado "o home da machada" pola súa intensidade defensiva,^[2] e xunto a Bill Russell, outro excelente defensor, formaron parte da grandeza dos Celtics dos anos 60, que conseguiron 7 títulos, 6 deles consecutivos, con Loscy nas súas filas.

Terminou a súa carreira ao finalizar a tempada 1963-64, e o club decidiu renderlle unha homenaxe retirando a súa camiseta co número 18, pero pediu que ese dorsal puidese ser portado por outro xogador no futuro, polo que no alto do Boston Garden, e hoxe en día do TD Banknorth Garden, colga unha bandeirola co seu alcume, "LOSCY", no canto do número como ocorre cos outros 22 retirados.^[3] Posteriormente ese dorsal co 18 foi levado por Dave Cowens, en cuxa honra finalmente se retirou. No total da súa carreira promedió 6,2 puntos e 5,6 rebotes por partido.