Joaquín Sobreira Lage
| Biografía | |
|---|---|
| Nacemento | 31 de xaneiro de 1892  As Neves, España |
| Morte | 20 de xaneiro de 1960 (67 anos) Cangas, España |
 Alcalde de Cangas | |
| 1943 – 1949 – Alfredo Méndez Loureiro → | |
| Actividade | |
| Ocupación | político, empresario |
Joaquín Sobreira Lage, nado nas Neves o 31 de xaneiro de 1892 e finado en Cangas o 20 de xaneiro de 1960, foi un militar, empresario e político galego.
Traxectoria
[editar | editar a fonte]Fillo de sarxento de carabineiros, estivo catro anos destinado como cabo de infantaría en Larache. Durante a súa estancia enfermou de paludismo. Regresou a Cangas e incorporouse como contable na fábrica de conservas de Daniel Eiroa.
En 1924, dada a escaseza de sardiña, en Isla Cristina organizou unha conserveira da mesma empresa co obxectivo de exportar a México, Arxentina e Cuba. Foi o testamenteiro de Daniel Eiroa, e tras o falecemento deste en 1939 creou a empresa de salazón Sobreira e Rial. Importou de Alemaña o uso da lata litografada.
Foi nomeado xuíz municipal suplente de Cangas en agosto de 1939.[1] Foi nomeado xestor do concello de Cangas en febreiro de 1940[2] e alcalde entre 1943 e 1949.[3]
| Predecesor: Ramón Espiño Arceo |
 Alcalde de Cangas 1943 - 1949 |
Sucesor: Alfredo Méndez Loureiro |
Vida persoal
[editar | editar a fonte]Casou con Josefina Berriz en 1928.[4]