John Barber
| Biografía | |
|---|---|
| Nacemento | 1734  Nottingham, Reino Unido |
| Morte | 1793 (58/59 anos) Nuneaton, Reino Unido (pt)  |
| Actividade | |
| Ocupación | inventor, enxeñeiro |
 | |
John Barber, nado en 1734 e finado en 1801, foi un inventor inglés.
Traxectoria
[editar | editar a fonte]Naceu en Nottinghamshire, trasladouse a Warwickshire arredor de 1760 para dirixir explotacións de carbón na zona de Nuneaton. Durante un tempo viviu en Camp Hill House, entre Hartshill e Nuneaton, e máis tarde estableceuse en Attleborough. Patentou diversas invencións entre 1766 e 1792, das cales a máis remarcable foi unha para unha turbina a gas e aínda que desta patente non saíu ningún aparello práctico, o certo é que Barber foi a primeira persoa en describir en detalle o principi odunha turbina a gas, e hai poucos anos construíuse un modelo baseado nas especificacións de Barber.
Turbina a gas de Barber
[editar | editar a fonte]
En 1791 Barber rexistrou unha patente (UK patent no. 1833 - Obtaining and Applying Motive Power, & c. A Method of Rising Inflammable Air for the Purposes of Procuring Motion, and Facilitating Metallurgical Operations) que contiña todos as características esenciais para realizar con éxito unha turbina a gas. Pensada como un método para extraer sen cabalos, o deseño de Barber contaba con cadeas, compresor, cámara de combustión e turbina.
A turbina de Barber funcionaba co gas que se obtiña queimando madeira, carbón, aceite ou outras substancias. Eses gases quentábanse nunha retorta de onde pasaban a un receptor e arrefriaban. O aire e o gas comprimíanse en diferentes cilindros e inxectábanse nunha cámara de combustión onde tamén se botaba auga auga na boca da cámara de combustión para arrefriala e para aumentar o volume dos gases.
A tecnoloxía da época impedíalle crear a suficiente enersía para que fose útil. En 1972 a firma alemá Kraftwerk-Union AG realizou un aparello para a Feira de Hanóver que traballaba segundo o modelo de Barber.
