John Napier

John Napier
	;
Nome orixinal	(en) John Napier of Merchiston
Biografía
Nacemento	1 de febreiro de 1550 ; Merchiston Tower, Reino Unido (en)
Morte	4 de abril de 1617 (67 anos); Edimburgo, Reino Unido
Lugar de sepultura	St Cuthbert's Church, Edinburgh (en) (1842–) 55°56′59″N 3°12′20″O / 55.9496, -3.20545; Catedral de Santo Egídio (pt) (–1842) 55°56′58″N 3°11′27″O / 55.9494, -3.1908
Relixión	Igrexa de Escocia
Educación	Universidade de St Andrews (1563–)
Actividade
Campo de traballo	Matemáticas
Ocupación	teólogo, físico, inventor, astrónomo, matemático, astrólogo
Obra
	Obras destacables Location arithmetic (en) ; Ossos de Napier (pt) ; Promptuary (en) ; (1593) Plaine Discovery of the Whole Revelation of Saint John (en) ; (1614) Mirifici logarithmorum canonis descriptio (en) ; (1617) Rabdology (en) ;
Familia
Cónxuxe	Elizabeth Stirling (1572–1579), morte do cónxuxe; Agnes Chisholm
Fillos	Joan Napier; () Elizabeth Stirling; Anne Napier; () Agnes Chisholm; Helen Napier; () Agnes Chisholm; Adam Napier; () Agnes Chisholm; Jane Napier; () Agnes Chisholm; William Napier of Ardinmoir; () Agnes Chisholm; John Napier; () Agnes Chisholm; Archibald Napier, 1st Lord Napier; () Elizabeth Stirling; Robert Napier; () Agnes Chisholm; Elizabeth Napier; () Agnes Chisholm; Margaret Napier; () Agnes Chisholm
Pais	Archibald Napier e Janet Bothwell
Descrito pola fonte	Grande Enciclopedia Soviética 1969-1978, (sec:Непер Джон); Dictionary of National Biography; Pequeno Dicionario Enciclopédico de Brockhaus e Efron

John Napier, barón de Merchiston, nado en Edimburgo en 1550 e finado o 4 de abril de 1617, foi un matemático escocés, recoñecido por descubrir os logaritmos.

Coa redución do traballo de varios meses de cálculo a uns poucos días, o invento dos logaritmos parece ter duplicado a vida dos astrónomos.

Pierre Simon Laplace

Traxectoria

Naceu no castelo de Merchiston en 1550, sen que se saiba a data exacta. Aos trece anos, en 1563, comezou os seus estudos na Universidade de Saint-Andrews, da que saíu anos máis tarde para viaxar por Europa. regresou a Merchiston en 1571 e casou ao ano seguinte, administrando a partir daquela os bens da familia por encomenda do seu pai, ao tempo que continuaba os seus estudos de matemáticas e teoloxía.

Malia pasar á posteridade polas súas achegas no campo da matemática, para Napier era esta unha actividade de distracción, mentres que a súa preocupación fundamental era a exexese da Apocalipse, á que se consagrou desde a súa estadía no colexio. Froito deste labor foi a publicación Descubrimentos de todos os secretos da Apocalipse de San Xoán por dous tratados: un que busca e proba a verdadeira interpretación, e outro que aplica ao texto esta interpretación parafrástica e historicamente. A orixinalidade do seu estudo é a aplicación do formalismo matemático na argumentación, de xeito que, admitindo certos postulados, chega a demostrar as súas proposicións. Entre elas, Napier predixo a fin do mundo para os anos 1668 a 1700. ^{[Cómpre referencia]}

En 1614 Napier publica a súa obra Mirifici Logarithmorum Canonis Descriptio, ejusque usus in utroque Trigonometria; ut etiam in omni logistica mathematica, amplissimi, facillimi, et expeditissimi explicatio, na que dá a coñecer os logaritmos que el chamou números artificiais. Nesta obra promete unha explicación que a morte lle impediu publicar, mas que foi engadida polo seu fillo Robert na segunda edición publicada en 1619.

Grazas a estes números as multiplicacións poden substituírse por sumas, as divisións por restas, as potencias por produtos e as raíces por divisións, o que non só simplificou enormemente a realización manual dos cálculos matemáticos, senón que permitiu realizar outros que sen a súa invención non terían sido posíbeis.

En 1617 apareceu a súa obra Rabdologiæ seu numerationis per virgulas libri duo: cum appendice expeditissimo multiplicationis promptuario, quibus accesit et arithmeticæ localis liber unus, na que describe o ábaco neperiano.

Véxase tamén

Bibliografía

Diccionario Enciclopédico Hispano-Americano, Montaner i Simon (1893).

Ligazóns externas

Mirifici ... Libro primeiro, ed. 1616 (tradución inglesa).

Este artigo sobre matemáticas é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír.