José Becerra Armesto

José Becerra Armesto

Biografía
Nacemento	século XIX Santiago de Compostela, España
Morte	16 de febreiro de 1916 Madrid, España
Gobernador civil da provincia de Ourense
Gobernador civil de Córdoba
Actividade
Ocupación	xornalista, político, escritor, autor
Familia
Irmáns	Manuel Becerra Armesto Joaquín Becerra Armesto
Descrito pola fonte	Gran Enciclopedia Galega Silverio Cañada Enciclopedia Galega Universal

José Becerra Armesto, nado en Santiago de Compostela e finado en Madrid o 16 de febreiro de 1916, foi un xornalista, escritor e político galego.

Traxectoria

Fillo de Gonzalo Becerra Llamas e Carmen Armesto, irmán de Manuel e Joaquín Becerra Armesto. Foi redactor en Madrid de La Nación (1864-1866) e La Prensa (1880). Trasladado a Pontevedra, colaborou en La Ilustración Gallega y Asturiana, Revista de Galicia e foi redactor de La Izquierda Dinástica (1893). En 1901 dirixiu La Discusión. Encadrado no Partido Liberal e seguidor de Montero Ríos, foi xefe da sección de Belas Artes do Ministerio de Fomento e gobernador civil de Ourense e Córdoba (1898). Publicou "El verano en Galicia", na Revista de España (1875); Una excursión a Extremadura (1879) e Las torres de Altamira. Leyenda compostelana, como folletín de El Correo Gallego, dende o 11 de abril de 1885.

Véxase tamén

Bibliografía

• "Becerra Armesto, José". Enciclopedia Galega Universal. Ir Indo. 1999-2002. ISBN 84-7680-288-9. 
• Gran Enciclopedia Galega (DVD). El Progreso. 2005. ISBN 84-87804-88-8. 

Ligazóns externas

• Xenealoxía Becerra Llamas