José Boente Sequeiros

José Boente Sequeiros
	;
Biografía
Nacemento	2 de setembro de 1860 ; A Esfarrapada, España
Morte	18 de xaneiro de 1944 (83 anos); Pontevedra, España
Presidente da Deputación de Pontevedra
	1901 – 1903 ; ← Gumersindo Otero García – José María Vidal González →
Gobernador civil da provincia da Coruña
Gobernador civil da provincia de Sevilla
Gobernador civil da provincia de Zaragoza
Gobernador civil das Palmas
Gobernador civil da provincia de Pontevedra
Datos persoais
Educación	Universidade de Santiago de Compostela
Actividade
Ocupación	avogado, político
Familia
Fillos	César Boente

José Boente Sequeiros, nado na Esfarrapada (Salceda de Caselas) o 2 de setembro de 1860 e finado en Pontevedra o 18 de xaneiro de 1944,^[1] foi un xornalista, avogado e político galego.

Traxectoria

Fillo de José Santiago Boente Leiras, mestre natural do Porriño. Estudou o bacharelato no Instituto de Pontevedra e colaborou en El Estudiante. Estudou Dereito na Universidade de Santiago de Compostela (1881-1885). Instalou bufete de avogado en Pontevedra, e chegou a ser Decano do Colexio de Avogados con Manuel Portela Valladares como tesoureiro. Como empresario creou unha sociedade para a fabricación de fariñas e pan, e foi accionista da Sociedad Naviera del Noroeste en Marín. Foi tamén redactor xefe do Diario de Pontevedra.

Vinculado ao Partido Liberal e dirixente dos partidarios de Montero Ríos sendo un dos apoios de Eduardo Vincenti, foi deputado provincial (1898-1930) e o 24 de abril de 1901 foi elixido presidente da Deputación de Pontevedra. Formou parte da comisión redactora do apéndice de dereito foral galego para o Código Civil. En 1907 promoveu o periódico El Progreso e colaborou no Diario de Pontevedra. Foi gobernador civil de Cáceres (1905), Pontevedra (1905-1907 e 1909-1911), Zaragoza (1911), A Coruña (1916), Sevilla (1918), e As Palmas (1919). Foi deputado provincial polo Colexio de Avogados en 1930.

En agosto de 1940 renunciou ao cargo de maxistrado suplente.

Casado con Carmen Álvarez, foi pai do enxeñeiro César Boente Álvarez,^[2] do xornalista e escritor José Boente Álvarez e de Joaquín Boente (finado en 1887). O seu irmán Plácido Boente Sequeiros estivo emigrado na Arxentina.^[3]

Notas

↑ José Boente Sequeiros- Aquel muchacho de Esfarrapada, Salceda de Caselas, que gobernó siete provincias
↑ El Progreso, 24-8-1920, p. 3.
↑ Pereira Bernárdez, J. R. (2008). "Cambio e continuidade migratoria: de Salceda de Caselas a América (1861-1920)", Estudos Migratorios, Vol. I, núm. 2. p. 103-129.

Véxase tamén

Bibliografía

Dicionario biográfico de Galicia 1. Ir Indo. 2010-2011. p. 125.
Bará, M.: "El asesinato de César Boente", Diario de Pontevedra, 6 de agosto de 2017 (en castelán).

Predecesor:
Gumersindo Otero García

Presidente da Deputación de Pontevedra
1901 - 1903

Sucesor:
José María Vidal González

[1] José Boente Sequeiros- Aquel muchacho de Esfarrapada, Salceda de Caselas, que gobernó siete provincias

[2] El Progreso, 24-8-1920, p. 3.

[3] Pereira Bernárdez, J. R. (2008). "Cambio e continuidade migratoria: de Salceda de Caselas a América (1861-1920)", Estudos Migratorios, Vol. I, núm. 2. p. 103-129.

[1]

[2]

[3]