José Escobar Magdalena
| Biografía | |
|---|---|
| Nacemento | c. 1886  Abrairas, España |
| Morte | 1960 (73/74 anos) Baleira, España |
| Actividade | |
| Ocupación | médico, político |
 | |
José Escobar Magdalena, nado en Abrairas (Baleira) cara a 1886 e finado no mesmo concello en 1960, foi un médico e político galego.
Traxectoria
[editar | editar a fonte]Fillo do médico e alcalde de Baleira Salvador Escobar Carral.[1] Licenciouse en Medicina en 1909.[2] Foi médico municipal en Baleira. Concedéronlle a Cruz de 1ª clase de Beneficencia polos servizos prestados durante a gripe de 1918.[3]
Amigo e representante de Manuel Portela Valladares en Baleira. Na época da Segunda República, militou no Partido Republicano Gallego. Foi un dos representantes do concello de Baleira, xunto a Jesús Rico Castro, na asemblea para a aprobación do Estatuto Galego realizada na Coruña no mes de xuño de 1931.[4] Despois militou en Izquierda Republicana.
Co golpe de Estado do 18 de xullo de 1936 foi expedientado, sancionado polo gobernador civil de Lugo cunha multa de 5 000 pesetas o 25 de agosto de 1937 por desafecto ao Movimiento Nacional e non asistir á manifestación do 18 de xullo dese ano, e internado no cárcere de Lugo dende o 23 de outubro de 1937 ata o 4 de agosto de 1938, abonando ao día seguinte a multa de 1 500 pesetas imposta polo delegado de Orde público de Lugo. Na resolución do expediente impuxéronlle a separación definitiva do servizo médico o 12 de febreiro de 1940. Abríronlle expediente de responsabilidades políticas que se resolveu o 15 de marzo de 1941 coa sanción de 8 anos de inhabilitación especial e multa de 500 pesetas.
Vida persoal
[editar | editar a fonte]Casou con Elisa Cuenza Luna en 1912 e foi pai de Elvira, Salvador, María de la Paz, Pura, Inés, Elisa e Julia Escobar Cuenza.[5]
