José María Regadío Vázquez
| Biografía | |
|---|---|
| Nacemento | 28 de xaneiro de 1920  Monterroso, España |
| Morte | 9 de xaneiro de 2010 (89 anos) Lugo, España |
| Relixión | Igrexa católica |
| Actividade | |
| Ocupación | sacerdote católico |
José María Regadío Vázquez, nado en Bidouredo (Monterroso) o 28 de xaneiro de 1920 e finado en Lugo o 9 de xaneiro de 2010, foi un sacerdote galego.
Traxectoria
[editar | editar a fonte]Foi o máis vello de dez irmáns, e os vinte e un anos quedou orfo de pai. Sendo adolescente ingresou no Seminario de Lugo, onde recibiu formación humanista. Iniciouse como coadxutor no arciprestado de Sarria, onde aprendeu artes gráficas e técnicas de impresión e reprodución mecánica. Tralo Alzamento Nacional de 1936 foi mobilizado, estando na fronte de Guadalaxara co bando nacional levando a padiola. Ao finalizar a guerra diplomouse no Seminario Maior en filosofía (1940) e teoloxía (1944).
Foi coadxutor na arquidiocese de Sarria. En 1951, xa como sacerdote, fíxose cargo de tres parroquias do concello de Palas de Rei: Laia, Quindimil e Filgueira, establecéndose coa súa familia nesta última.
A principios da década de 1960 fundou en Palas de Rei a imprenta Lakinfil (acrónimo das tres parroquias que levaba), dedicándose á estampación de carteis, tarxetas postais e a encadernación e edición de libros. A imprenta tiña a sede na esquina da Avenida de Compostela e a Travesía do Peregrino. O obradoiro trasladouse a principios da década de 1990 a unha nave na parroquia de Filgueira, que fora anteriormente unha granxa porcina. Renovou a maquinaria da mesma, cunha nova impresora offset (sumada á Hiederberg alemá xa existente), e poucos anos despois equipos informáticos e programas de maquetación gráfica.
A principios da década de 1960 creou O Mintireiro Verdadeiro, un calendario agrícola galego anual, que chegou a vender 15.000 exemplares.
Véxase tamén
[editar | editar a fonte]Bibliografía
[editar | editar a fonte]- Castro, José de (2017). "'O Mintireiro Verdadeiro', medio século de literatura popular". Cairón. Boletín do Instituto de Estudos Ulloáns (1): 162–169.
Ligazóns externas
[editar | editar a fonte]- "Último pronóstico de O Mintireiro", necrolóxica en El País, 13 de xaneiro de 2010 (en castelán).