Juan Bautista Barthe
| Biografía | |
|---|---|
| Nacemento | Ca.1790 Guadix, España  |
| Morte | 4 de setembro de 1853 Decoñecido. |
.svg){kind=small} Q65048151  | |
| | |
| Datos persoais | |
| País de nacionalidade |  Española. |
| Relixión | Catolicismo. |
| Q89547790 | Estudos de numismática española. |
| Actividade | |
| Campo de traballo | Historiografía e numismática. |
| Ocupación | funcionario, numismático |
| Empregador | Real Academia da Historia. |
| Membro de | |
Juan Bautista Barthe, nado probablemente en Guadix, Granada, ca. 1790 e finado o 4 de setembro de 1853, foi un historiador, numismático e anticuario español, membro da Real Academia da Historia.
Traxectoria
[editar | editar a fonte]Coñécense poucos datos sobre os primeiros anos de Barthe. O seu expediente na Real Academia da Historia indica que naceu a finais do século XVIII, cara a 1790 ou algo antes, e probablemente na vila de Guadix, na provincia de Granada.[1]
Do mesmo xeito, non hai dato ningún acerca da súa formación académica, aínda que no citado expediente e noutros informes da Academia se dá conta do seu interese pola numismática e pola epigrafía, xa antes de 1827.[1][2]
No ámbito profesional desenvolveu varios traballos na Administración local, como funcionario das Policías de Sevilla e de Xaén, e chegou a ocupar o cargo de concelleiro en Guadix en 1829. En 1843 sábese que estaba en Madrid, desempeñando o posto de conselleiro na Deputación da capital do reino, e a partir de 1850 foi administrador principal de Correos en Toledo.[1][2]
O 30 de xaneiro de 1829 foi proposto como membro correspondente da Real Academia da Historia e o 12 de febreiro de 1836 foi admitido como académico supernumerario. Na súa cerimonia de ingreso leu un discurso acerca das “causas polas que se lle deu xeralmente ao emperador Marco Aurelio o ditado de Médico”. Poucas semanas despois, o 12 de marzo do mesmo ano, a Academia nomeouno anticuario e encomendoulle a ordenación e a custodia do monetario da institución. Posteriormente, na reforma da Real Academia de 1847, cesou como académico supernumerario e pasou a ser numerario.[1][2][3]
Na Academia pretendeu continuar o proxecto de reunir tamén unha colección litolóxica, unha idea xa iniciada a mediados do século anterior, mais que non chegou a saír adiante.[1]
En paralelo á colección numismática da Academia, Barthe logrou reunir unha importante colección persoal, que foi publicada en 1854 polo tamén numismático Antonio Delgado y Hernández,[4][3] amigo del, o seu testamenteiro e o seu sucesor cando cesou como anticuario da Academia, ao se ver obrigado a abandonar Madrid polo seu destino en Toledo. Barthe deixou en herdanza a súa colección persoal á Real Academia da Historia.[1][2]
Nos traballos e informes que elaborou para a Academia amosou igualmente interese por outros temas, como a relixión e mitoloxía romanas e a relixión e mitoloxía do Antigo Exipto, e tamén sobre a conservación de monumentos, edificios e obxectos artísticos antigos,[5] sinaladamente naqueles momentos posteriores á desamortización de Mendizábal.[1]
Juan Bautista Barthe finou o 4 de setembro de 1853. Aínda que se descoñece o lugar do falecemento, suponse que debeu ser a cidade de Toledo, na que se instalou en 1850 para asumir o cargo de administrador principal de Correos, que foi o seu derradeiro destino coñecido.[1]
Publicacións
[editar | editar a fonte]- (1841). Medallas de proclamación de S.M. la Reina Doña Isabel II. Fuentenebro, Madrid.
- (1843). Colección de documentos para la historia monetaria de España. De la Peña, Madrid.
Notas
[editar | editar a fonte]- ↑ 1,0 1,1 1,2 1,3 1,4 1,5 1,6 1,7 Almagro Gorbea, M. "Juan Bautista Barthe". Real Academia de la Historia (RAH.es).
- ↑ 2,0 2,1 2,2 2,3 López García, A.; Reyes Martínez, A. (2018). Páxina 64.
- ↑ 3,0 3,1 Abascal, J. M.; Cebrián, R. (2005). Páxina 97.
- ↑ Delgado y Hernández, A. (atrib.). (1854). Catálogo de las monedas y medallas que pertenecieron a Don Juan Bautista Barthe. Imprenta de la calle San Vicente, Madrid.
- ↑ Abascal, J. M.; Cebrián, R. (2005). Páxina 98.
Véxase tamén
[editar | editar a fonte] |
Wikimedia Commons ten máis contidos multimedia na categoría: Juan Bautista Barthe |
Bibliografía
[editar | editar a fonte]- Abascal, J. M.; Cebrián, R. (). "Barthe, Juan Bautista". En Manuscritos sobre antigüedades de la Real Academia de la Historia. Real Academia de la Historia. Páxnas 97-98. ISBN 9788495983732
- Almagro Gorbea, A. (1999). El Gabinete de Antiguedades de la Real Academia de la Historia. Real Academia de la Historia, Madrid. Páxinas 138-139. ISBN 84-89512-47-7
- Delgado y Hernández, A. (atrib.) (1854). Catálogo de las monedas y medallas que pertenecieron a Don Juan Bautista Barthe. Imprenta de la calle San Vicente, Madrid.
- López García, A.; Reyes Martínez, A. (2018). "Apuntes para una historiografía de la arqueología en la ciudad de Guadix (Granada). Entre los mitos y la realidad". En España-Chamorro, S. et al (eds.) Colecciones, arqueólogos, instituciones y yacimientos en la España de los siglos XVIII al XX. Archaeopress. ISBN 9781784918644
- Reyes Martínez, A. (2016). "Barthe, un accitano en la Real Academia de la Historia". En Ideal, 30 de abril.