Juan Bosch

Juan Bosch

Biografía
Nacemento	30 de xuño de 1909 La Vega, República Dominicana (pt)
Morte	1 de novembro de 2001 (92 anos) Salcedo, Italia (pt)
Causa da morte	respiratory distress (en)
Lugar de sepultura	Monseñor Nouel (pt)
43º Presidente da República Dominicana
27 de febreiro de 1963 – 25 de setembro de 1963 ← Rafael Bonnelly (pt) – Dominican Provisional Government Junta (en)  →
Actividade
Ocupación	político, historiador, escritor
Partido político	Partido Revolucionário Dominicano (pt)
Premios
Order of Merit of Duarte, Sanchez and Mella (en)  grande oficial da Lexión de Honra  Orde de José Martí  Order of Christopher Columbus (en)  Comendador das Artes e as Letras
Descrito pola fonte	Grande Enciclopedia Soviética 1969-1978, (sec:Бош Хуан) Obálky knih,

Juan Emilio Bosch Gaviño, nado en La Vega o 30 de xuño de 1909 e finado en Santo Domingo o 1 de novembro de 2001, foi un contista, ensaísta, novelista, narrador, historiador, educador e político dominicano. Bosch foi elixido presidente da República Dominicana en 1962, cargo que asumiu por un breve período en 1963. O seu efémero goberno foi derrocado case sete meses despois de asumir a presidencia. Porén, a día de hoxe, é lembrado como un político honesto e está considerado como un dos escritores máis preclaros de Latinoamérica, en especial no xénero do conto.

Foi un líder da oposición dominicana no exilio contra o réxime de Rafael Leónidas Trujillo durante máis de 26 anos. Ademais, foi o fundador de dous dos principais partidos políticos dominicanos: o Partido Revolucionario Dominicano (PRD) en 1939 e o Partido da Liberación Dominicana (PLD) en 1973.

Traxectoria

Juan Bosch naceu na cidade de La Vega o 30 de xuño de 1909. Fillo da portorriqueña de ascendencia galega Ángela Gaviño Costais, (cuxo pai era da Guarda) e de José Bosch Subirats, de orixe catalá, nado en Tortosa. Viviu os primeiros anos da súa infancia nunha pequena comunidade rural chamada Río Verde, onde comezou os seus estudos de primaria; os estudos secundarios fíxoos no colexio San Sebastián de la Vega, chegando só até o terceiro nivel de bacharelato. En 1924, trasladouse a Santo Domingo, onde traballou en varias tendas comerciais. Máis tarde en 1929 viaxou a España, Venezuela e algunhas illas do Caribe.