Saltar ao contido

Juan Ramón Aldalur Lasa

Na Galipedia, a Wikipedia en galego.
Para outras páxinas con títulos homónimos véxase: Chapela.
Modelo:BiografíaJuan Ramón Aldalur Lasa
Biografía
Nacemento22 de decembro de 1948 Editar o valor en Wikidata (75 anos)
Tolosa, España Editar o valor en Wikidata
Actividade
Ocupaciónfutbolista Editar o valor en Wikidata
Período de actividade1967 Editar o valor en Wikidata - 1973 Editar o valor en Wikidata
Deportefútbol Editar o valor en Wikidata
Posición de xogoDianteiro Editar o valor en Wikidata
Traxectoria Editar o valor en Wikidata
  Equipo Número de partidos xogados Puntos/goles/tantos anotados
1967–1971   Deportivo da Coruña
1971–1973   Rayo Vallecano
Familia
IrmánsMiguel María Aldalur Lasa Editar o valor en Wikidata

Juan Ramón Aldalur Lasa, coñecido como Chapela II, nado en Tolosa (Guipúscoa) o 22 de decembro de 1948, é un exfutbolista vasco. Xogaba de dianteiro e destacou no Fabril de Arsenio e no Deportivo da Coruña, ata que unha rotura de tibia e peroné en 1968 truncou a súa carreira.

É irmán do tamén exfutbolista Miguel María Aldalur Lasa, alcumado Chapela.

Traxectoria

[editar | editar a fonte]

Naceu en Tolosa, e tras pasar polo equipo do colexio Lecároz chegou á Coruña en 1966 para fichar polo Fabril,[1] na Terceira división, mentres que seu irmán Chapela xogaba no Deportivo da Coruña. Na tempada 1967/68 baixo as ordes de Arsenio, o equipo despregou un gran xogo ofensivo, logrando sonadas vitorias,[2] como un 9-1 contra o Lemos con catro tantos de Chapela II.[3] Deste xeito, con 17 goles, o dianteiro vasco ocupaba a primeira posición na táboa de goleadores de Terceira en xaneiro de 1968, cando, pretendido por varios equipos grandes, pasou a ter ficha do primeiro equipo do Deportivo, asinando un contrato por tres anos.[4]

Debutou co equipo dirixido por Eguiluz en Segunda División na xornada 19, contra o Burgos no Plantío, e tardou só catro minutos en facer o seu primeiro gol.[5] Xogou como titular os seguintes nove encontros e marcou seis goles máis, converténdose na gran figura do equipo, ata que rompeu a tibia e o peroné na antepenúltima xornada contra o Rayo Vallecano, nun choque contra o gardameta Mendieta.[6] Con todo, os seus goles contribuíron a que o equipo se proclamase campión da categoría e ascendese a Primeira división.

A lesión tívoo de baixa durante nove meses, reaparecendo en xaneiro de 1969 en Caracas, nun encontro amigable do seu equipo contra o Sporting de Portugal.[7] Uns días despois debutou na máxima categoría contra o Real Madrid no Santiago Bernabéu, no único partido de liga que disputaría nesa tempada 1968–69. En marzo, e ante a falta de oportunidades no equipo de Cheché Martín, chegou a un acordo co club para regresar ao Fabril ata o final da tempada.[8]

Volveu ao primeiro equipo na campaña 1969/70, participando en 18 encontros e anotando cinco tantos, dous deles no derbi contra o Celta en Balaídos. Con todo, o Deportivo acabou descendendo a Segunda División. Na tempada 1970–71, xa con Arsenio no banco, participou en 15 partidos e anotou 5 goles, no retorno do equipo á máxima categoría.

Comezou a tempada 1971–72 no Deportivo, pero uns días despois co comezo desta, foi traspasado ao Rayo Vallecano, en Segunda División, onde permaneceu dúas campañas.[9] En 1973 fichou polo Logroñés, xogando alí tres tempadas ata a súa retirada.[10]

Despois da súa retirada comezou unha carreira de adestrador, sendo o seu primeiro equipo o Logroñés Promesas. A continuación regresou a Galicia, onde adestrou o equipo xuvenil do Deportivo da Coruña e o Orillamar.[10] En 1978 converteuse no novo adestrador do Sporting Sada, ao que dirixiu ata novembro de 1985.[11]

Persoal

[editar | editar a fonte]

É irmán do tamén futbolista Miguel María Aldalur Lasa, tamén alcumado Chapela e que tamén foi xogador do Deportivo. En xuño de 1972 casou na Coruña con María Grien Docampo.[12]

Notas

[editar | editar a fonte]
  1. ↑ "Chapela II jugará en Burgos". La Voz de Galicia (en castelán). 31 de xaneiro de 1968. p. 11. 
  2. ↑ "Un Deportivo-Racing apasionante". La Voz de Galicia (en castelán). 3 de xaneiro de 1971. p. 12. 
  3. ↑ "Perdió por amplia diferencia el Lemos en La Coruña, (9-1)". El Progreso (en castelán). 19 de decembro de 1967. p. 5. Consultado o 4 de xuño de 2021. 
  4. ↑ "Chapela II ya es profesional". La Voz de Galicia (en castelán). 30 de xaneiro de 1968. p. 13. 
  5. ↑ "Coruña, 3; Langreo, 2". El Pueblo Gallego (en castelán). 13 de febreiro de 1968. p. 18. Consultado o 4 de xuño de 2021. 
  6. ↑ "Chapela II se rompió una pierna". La Voz de Galicia (en castelán). 16 de abril de 1968. p. 15. 
  7. ↑ "Mereció ganar el Deportivo". La Voz de Galicia (en castelán). 9 de xaneiro de 1969. p. 17. 
  8. ↑ "Chapela II al Fabril". La Voz de Galicia (en castelán). 15 de marzo de 1969. p. 16. 
  9. ↑ "Chapela, traspasado al Rayo Vallecano". La Voz de Galicia (en castelán). 7 de setembro de 1971. p. 28. 
  10. ↑ 10,0 10,1 "Chapela, entrenador del Sp. Sada". La Voz de Galicia (en castelán). 5 de xaneiro de 1979. p. 36. 
  11. ↑ "El ferrolano Manuel Porta, nuevo entrenador del Sada". La Voz de Galicia (en castelán). 5 de novembro de 1985. p. 47. 
  12. ↑ "Chapela II se casó". La Voz de Galicia (en castelán). 30 de xuño de 1972. p. 16. 
Traído desde «https://gl.wikipedia.org/w/index.php?title=Juan_Ramón_Aldalur_Lasa&oldid=6886076»