Julia Varela
 Julia Varela en abril de 2015. | |
| Nome orixinal | Julia Varela Ruano |
|---|---|
| Biografía | |
| Nacemento | 30 de xuño de 1981 (43 anos) Pontevedra |
| País de nacionalidade | Española |
| Educación | Universidade Complutense de Madrid IES Sánchez Cantón  |
| Actividade | |
| Ocupación | Xornalista e presentadora |
| Período de actividade | 2005 - |
| Empregador | Televisión Española |
  | |
Julia Varela Ruano, nada o 30 de xuño de 1981 en Pontevedra, é unha presentadora de radio e reporteira de televisión galega.[1]
Traxectoria
[editar | editar a fonte]Filla dos profesores pontevedreses Carmen Ruano e Eloy Varela, estudou no IES Sánchez Cantón e despois de graduarse en xornalismo pola Universidade Complutense de Madrid comezou a traballar na RTVE en 2005 como locutora e redatora nos Servizos Informativos da RNE para a Radio Exterior de España. En 2008, pasou a ser locutora e redatora de Radio 3 en programas como Siglo 21, 180 Grados ou Los Conciertos de Radio 3, e na retransmisión de distintos festivais de música. Desde 2013, Varela traballa como reporteira para TVE en programas como Comando actualidad e La mañana de La 1; neste último tamén colabora como comentarista da sección de espectáculos.
Nas edicións 2015,[2] 2016[3] e 2017 do Festival de Eurovisión, Varela foi a comentarista para TVE xunto con José María Íñigo. Varela e Íñigo comentaron tamén a gala especial Eurovision Song Contest's Greatest Hits, que conmemorou o 60º aniversario do Festival de Eurovisión en 2015. Na edición de 2018 compartirá o micrófono co locutor da emisora de radio LOS40, Tony Aguilar.[4]
En xullo de 2019 dirigiu A partir de hoy, un programa matutino de verán de La 1 de Televisión Española conducido por Màxim Huerta. Desde o 31 de agosto de 2020 e ata o verán de 2022 dirixiu e presenta en RNE o espazo vespertino Tarde lo que tarde.[5] En setembro de 2022 comezou a presentar e dirixir o magacine nocturno de RNE Gente despierta.[6] No verán de 2023 copresentará Dúos increíbles con Xavi Martínez en TVE1.[7]
Ligada á Barrela e Chantada, onde exerceu o seu avó o garda Varela e se criou seu pai Eloy Varela, o 22 de agosto de 2015 foi a pregoeira das festas de Chantada. Nun discurso reivindicativo falou do prezo xusto para o leite que producen os gandeiros da zona e pediu axudas para a rehabilitación das casas abandonadas no rural.[8]
En 2019 publicou a súa primeira novela ¿Por qué me pido un gin tonic si no me gusta?
Obra
[editar | editar a fonte]- ¿Por qué me pido un gin tonic si no me gusta? (2019). Ediciones B. 312 páxs. ISBN 978-8466665575. Unha obra para descubrir as preocupacións das mulleres de trinta nos a través do humor.[9]
Notas
[editar | editar a fonte]- ↑ López, Belén (5 de maio de 2015). "Ver cantar a España en Eurovisión debería ser como ver jugar a la selección de fútbol". Diario de Pontevedra. Consultado o 27 de maio de 2017.
- ↑ RTVE.es (ed.). "Julia Varela acompañará a José María Íñigo como comentarista de TVE para Eurovisión 2015". Consultado o 27 de maio de 2017.
- ↑ RTVE..es (ed.). "José María Iñigo y Julia Varela repiten como comentaristas de Eurovisión 2016 para TVE". Consultado o 27 de maio de 2017.
- ↑ "Tony Aguilar comentará junto a Julia Varela Eurovisión 2018" (en Spanish). RTVE. 14 March 2018.
- ↑ "Presentación de la temporada 2020-21 de RNE 4". www.rtve.es. Consultado o 2020-11-26.
- ↑ "Gente despierta - El prograna nocturno de RNE en RTVE Play". RTVE.es (en castelán). 2023-07-17. Consultado o 2023-07-19.
- ↑ RTVE, PRENSA (2023-06-24). "'Dúos Increíbles' regresará con Julia Varela y Xavi Martínez". RTVE.es (en castelán). Consultado o 2023-07-19.
- ↑ Biempica, María (2023-03-23). "Julia Varela". Diario de Pontevedra (en castelán). Consultado o 2023-07-19.
- ↑ "Hoy empieza todo 2: Julia Varela: ¿Por qué me pido un gin tonic si no me gusta? RTVE Play". RTVE.es (en castelán). 2019-04-29. Consultado o 2023-07-19.
Véxase tamén
[editar | editar a fonte]Ligazóns externas
[editar | editar a fonte]- Julia Varela na IMDb (en inglés).
