Justo Rodríguez Pérez

Justo Rodríguez Pérez

Biografía
Nacemento	século XIX Sada, España
Morte	século XX valor descoñecido
Alcalde de Sada
1931 – 1932 – Antonio Fernández Pita →
Actividade
Lugar de traballo	Sada
Ocupación	político, mariño

Justo Rodríguez Pérez foi un político galego, alcalde de Sada entre 1931 e 1932, inscrito na ORGA.

Traxectoria

Emigrante retornado dos EUA e mariñeiro de profesión. Foi elixido concelleiro de Sada en 1917 representando á Conjunción libertaria e Sociedad de pescadores. Foi elixido alcalde de Sada en 1931. Dimitiu o 12 de maio do ano seguinte. En 1932 formaba nas filas do Partido Republicano Radical Socialista, presidindo posteriormente, entre 1933 e 1936, o Grupo Local do Partido Galeguista en Sada. Foi membro do comité de propaganda para o referendo do Estatuto de autonomía. Tralo golpe de Estado do 18 de xullo de 1936 fuxiu e agochouse en Miño onde permaneceu un tempo. Despois pasou á casa dunha familia amiga de Fontán que se ofreceu a gorecelo. Despois dun ano pasou a agocharse no faiado da súa casa onde montou unha máquina de coser para facer zapatillas e remendar roupas de auga. Permaneceu agochado ata comezos dos anos corenta. O seu fillo Manuel foi recrutado polos rebeldes e enviado á fronte, tentou pasarse ao bando leal pero foi abatido.

Predecesor: Ángel López Vidal

Alcalde de Sada  1931 - 1932

Sucesor: Antonio Fernández Pita

Vida persoal

Casou con María Varela Ramos e foi pai de Manuel, Alejandro, María e Juan Rodríguez Varela.

Véxase tamén

Bibliografía

• Dans, Manuel (2006). "Justo Rodríguez na memoria histórica de Sada" (PDF). A Xanela (22): 21–22. Consultado o 19 de xullo de 2013. 

Fontes arquivísticas

• Arquivo do Reino de Galicia - Fondo Goberno Civil - G-2552 / G-2563

Ligazóns externas

• Primer Alcalde de La República