Kanopus-V

Kanopus-V ou Kanopus-Vulkan é unha serie de satélites artificiais para observación terrestre de Rusia.^[1]^[2]

Características

Os Kanopus-V son satélites de observación remota cunha masa duns 473 kg construídos por NPP VNIIEM con cámaras de OAO Peleng para a axencia espacial rusa Roskosmos. A súa misión é monitorizar e controlar desastres naturais e humanos, levantar cartografía, detectar incendios forestais e contaminación, estudar fenómenos físicos relacionados coa predición de terremotos e controlar o uso de terras para agricultura e os recursos hídricos e costeiros.^[1]^[2]

Os satélites Kanopus-V levan dous instrumentos a bordo:^[1]^[2]

Unha cámara pancromática (PSS, Panchromatic Imaging System) para monitorización medioambiental, da agricultura e dos bosques. Proporciona unha resolución de 2,5 m nunha banda de 20 km de longo para lonxitudes de onda entre 500 e 800 nanómetros.
Unha cámara multiespectral (MSS, Multispectral Imaging System) para monitorizar superficies costeiras e terrestres e cubertas de xeo. Ten unha resolución de 12 m nunha banda de 20 km de longo en catro bandas espectrais: 500 a 600 nm, 600 a 700 nm, 700 a 800 nm e 800 a 900 nm.

Unha versión capaz de observar no infravermello é denominada Kanopus-V-IK e o satélite de observación terrestre belaruso BKA é basicamente unha copia dos Kanopus-V.^[1]^[2]

Historial de lanzamentos

Misión^[1]^[2]	Data de lanzamento^[1]^[2]	Foguete lanzador^[1]^[2]	Notas^[1]^[2]
Kanopus-V 1	22 de xullo de 2012	Soiuz FG Fregat	Éxito
Kanopus-V 2	N/A	N/A	Modificado e lanzado como Kanopus-V-IK 1.
Kanopus-V 3	1 de febreiro de 2018	Soiuz 2-1a Fregat	Éxito
Kanopus-V 4	1 de febreiro de 2018	Soiuz 2-1a Fregat	Éxito
Kanopus-V 5	27 de decembro de 2018	Soiuz 2-1a Fregat	Éxito
Kanopus-V 6	27 de decembro de 2018	Soiuz 2-1a Fregat	Éxito

Notas

↑ ^1,0 ^1,1 ^1,2 ^1,3 ^1,4 ^1,5 ^1,6 ^1,7 Gunter Dirk Krebs (2023). Gunter's Space Page, ed. "Kanopus-V 1, 2" (en inglés). Consultado o 23 de maio de 2023.
↑ ^2,0 ^2,1 ^2,2 ^2,3 ^2,4 ^2,5 ^2,6 ^2,7 Mark Wade (2023). "Kanopus" (en inglés). Consultado o 23 de maio de 2023.

Véxase tamén

Outros artigos

[gunter-1] 1,0 ^1,1 ^1,2 ^1,3 ^1,4 ^1,5 ^1,6 ^1,7 Gunter Dirk Krebs (2023). Gunter's Space Page, ed. "Kanopus-V 1, 2" (en inglés). Consultado o 23 de maio de 2023.

[astronautix-2] 2,0 ^2,1 ^2,2 ^2,3 ^2,4 ^2,5 ^2,6 ^2,7 Mark Wade (2023). "Kanopus" (en inglés). Consultado o 23 de maio de 2023.

[1]

[2]