Kansuke Naka
  | |
| Nome orixinal | (ja) 中勘助 |
|---|---|
| Biografía | |
| Nacemento | 22 de maio de 1885 Toquio, Xapón |
| Morte | 3 de maio de 1965 (79 anos) |
| Educación | Tokyo University (en)  Universidade de Toquio |
| Actividade | |
| Ocupación | poeta, novelista, escritor |
| Profesores | Natsume Sōseki |
Kansuke Naka (xaponés: 中勘助, Naka Kansuke), nado o 22 de maio de 1885 e finado o 3 de maio de 1965, foi un novelista e ensaísta xaponés.
Traxectoria
[editar | editar a fonte]Naka naceu en Toquio o 22 de maio de 1885. Viviu en Hiratsuka entre 1926 e 1932. Agás un breve período, durante a segunda guerra mundial, en que foi evacuado á prefectura de Shizuoka, Naka permaneceu a meirande parte da súa vida na capital nipoa. En 1942, casou con Kazuko Shimada.
Naka foi estudante de Natsume Sōseki (1867-1916) na Universidade de Toquio, antes de que o escritor deixase a docencia para traballar no xornal Asahi shimbun. Foi este quen facilitou a publicación da primeira novela de Naka, Gin no saji 銀の匙 ("A culler de prata", 1911-1913), no devandito xornal.[1] Trátase dunha descrición nostálxica da súa infancia e adolescencia, na que se recolle a vida no Toquio de comezos do século XX. Nesta bildungsroman, mestúranse os feitos históricos da era Meiji (1852-1912) cos sentimentos de illamento do protagonista.
Tamén escribiu Inu 犬 ("Os cans", 1922) e a escolma poética Rōkan 琅玕 (1935).
Influencia
[editar | editar a fonte]A literatura de Naka foi prezada polo filósofo Tetsurō Watsuji (1889-1960), así como polo intelectual chinés Zhou Zuoren (1885-1967), quen gabou a súa infrecuente vontade de criticar aos nacionalistas nipóns.[2]
Traducións
[editar | editar a fonte]En castelán
[editar | editar a fonte]- Perros (2024). Tradución directa do xaponés de Iván Díaz Sancho. Satori Ediciones.
Notas
[editar | editar a fonte]Véxase tamén
[editar | editar a fonte]Bibliografía
[editar | editar a fonte]- Lu, Yan (2004). Re-understanding Japan: Chinese Perspectives, 1895–1945 (en inglés). University of Hawaii Press. ISBN 9780824827304.
- Naka, Kansuke (1990). "漱石先生と私 [O mestre Sōseki e mais eu]". 中勘助全集 [Obras completas de Naka Kansuke] (en xaponés). Iwanami Shōten. ISBN 9784000915083.
