Karel Bossart

Karel Bossart
	;
Biografía
Nacemento	9 de febreiro de 1904 ; Anveres, Bélxica
Morte	3 de agosto de 1975 (71 anos); San Diego, Estados Unidos de América
Educación	Universidade Libre de Bruxelas ; Universidade Libre de Bruxelas
Actividade
Campo de traballo	Construción
Ocupación	enxeñeiro
Premios
	(1990) Salón Espacial Internacional da Fama ;

Karel Jan Bossart, nado o 9 de febreiro de 1904 en Anveres (Bélxica) e finado o 3 de agosto de 1975, foi un enxeñeiro e deseñador de foguetes espaciais.^[1]^[2]

Traxectoria

Bossart graduouse en enxeñaría de camiños en 1925 na Universidade de Bruselas. Conseguiu unha bolsa da Fundación Belgo-Americana para a Educación para poder estudar no Instituto de Tecnoloxía de Massachusetts, especializándose en estruturas de aeronaves. Quedou a traballar nos Estados Unidos en varias compañías aéreas, incluíndo Edward Budd Manufacturing Company, onde se familiarizou co uso do aceiro inoxidábel na fabricación vagóns de tren. En 1945 chegou a xefe de estruturas de Convair (daquela, Consolidated-Vultee Aircraft) en California, entrando en contacto co mundo da foguetería durante o proposta de Convair para o proxecto MX-774 da Forza Aérea para deseñar un mísil capaz dun alcance de 8000 km. Bossart convenceu á Forza Aérea de pasar á fase de programa de probas para o MX-774, usando algunhas das súas innovadoras ideas, como o uso de tanques de propelente presurizados monocasco que serían a base dos mísiles e foguetes Atlas. O proxecto MX-774 foi cancelado en 1947 tras varios lanzamentos non completamente exitosos e debido á falta de fondos, pero despois da detonación da primeira bomba nuclear soviética en 1949 foi retomado na forma do proxecto MX-1593, comezado en 1951 e con Bossart á cabeza tras gañar Convair o contrato para o seu desenvolvemento. Bossart renomeu o proxecto como Atlas en honor ao titán mitolóxico. En 1957 Bossart foi nomeado Director Técnico de Aeronáutica en General Dynamics (agora propietaria de Convair) e o 17 de decembro dese mesmo ano tivo lugar o primeiro voo exitoso dun mísil Atlas. Ao ano seguinte a Forza Aérea concedeulle un premio polo seu traballo e contribucións ao desenvolvemento do primeiro mísil balístico intercontinental estadounidense. En 1959 gañou o trofeo Collier. Bossart retirouse en 1967, finando oito anos despois.^[1]^[2]

Notas

↑ ^1,0 ^1,1 Mark Wade (2022). "Bossart, Karel Jan 'Charlie'" (en inglés). Consultado o 15 de setembro de 2022.
↑ ^2,0 ^2,1 New Mexico Museum of Space History, ed. (2021). "Karel J. Bossart" (en inglés). Consultado o 15 de setembro de 2022.

Véxase tamén

Outros artigos

Atlas (foguete)

[astronautix-1] 1,0 ^1,1 Mark Wade (2022). "Bossart, Karel Jan 'Charlie'" (en inglés). Consultado o 15 de setembro de 2022.

[nms-2] 2,0 ^2,1 New Mexico Museum of Space History, ed. (2021). "Karel J. Bossart" (en inglés). Consultado o 15 de setembro de 2022.

[1]

[2]