Léo Baptistão
 | |||||||||||||||||||||||||||||||||||||||||||||||||||||||||||
| Biografía | |||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 26 de agosto de 1992  (32 anos)Santos, Brasil | ||||||||||||||||||||||||||||||||||||||||||||||||||||||||||
| Altura | 1.85 m | ||||||||||||||||||||||||||||||||||||||||||||||||||||||||||
| Peso | 71 kg | ||||||||||||||||||||||||||||||||||||||||||||||||||||||||||
| Actividade | |||||||||||||||||||||||||||||||||||||||||||||||||||||||||||
| Ocupación | futbolista | ||||||||||||||||||||||||||||||||||||||||||||||||||||||||||
| Período de actividade | 2012 - | ||||||||||||||||||||||||||||||||||||||||||||||||||||||||||
| Nacionalidade deportiva | Brasil | ||||||||||||||||||||||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||||||||||||||||||||||
| Posición de xogo | Dianteiro | ||||||||||||||||||||||||||||||||||||||||||||||||||||||||||
| Número deportivo | 10 | ||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||
   | |||||||||||||||||||||||||||||||||||||||||||||||||||||||||||
Leonardo Carrilho Baptistão, coñecido como Léo Baptistão, nado en Santos o 26 de agosto de 1992, é un futbolista brasileiro que xoga como dianteiro ou extremo no Almería, da Segunda División.
Desenvolveu a maior parte da súa carreira en España, disputando 238 partidos na Primeira División, na que anotou 43 goles. Vestiu as camisetas do Rayo Vallecano, o Betis, o Villarreal, o Espanyol, o Almería e o Atlético de Madrid, conquistando con este último o campionato de liga na tempada 2013/14. Tamén xogou brevemente no Santos, do Campeonato Brasileiro.
Traxectoria
[editar | editar a fonte]Nacido en Santos, formouse como futbolista na canteira do Portuguesa, coincidindo con Neymar. Con só 16 anos trasladouse a España e ingresou nas categorías inferiores do Rayo Vallecano. O 25 de agosto de 2012 debutou co primeiro equipo na Primeira división, nunha vitoria por 2-1 sobre o Betis, na que marcou un gol e deu unha asistencia. Axiña se fixo coa titularidade ás ordes de Paco Jémez, disputando 48 partidos en ano e medio, anotando 11 goles.
Atlético de Madrid
[editar | editar a fonte]En xuño de 2013 asinou un contrato de cinco anos co Atlético de Madrid. Debutou co seu novo equipo o 21 de agosto, substituíndo a Arda Turan ante o FC Barcelona no partido de ida da Supercopa de España, que finalmente perdeu pola regra do gol en campo contrario.
Fixo o seu primeiro gol co Atlético o 18 de setembro de 2013, na vitoria por 3-1 ante o Zenit San Petersburgo na Liga de Campións, no que era o seu debut na máxima competición europea.[1]
En xaneiro de 2014 foi cedido ata o final da tempada ao Betis. Marcou un gol na vitoria por 2-0 contra o máximo rival do Betis, o Sevilla, no choque de oitavos de final da UEFA Europa League, pero a eliminatoria acabou coa eliminación na quenda de penaltis.
Na tempada 2014/15 xogou cedido no Rayo Vallecano, e na seguinte no Villarreal. O 9 de xullo de 2016 asinou por cinco anos co Espanyol. Na súa segunda tempada marcou nove goles, o mellor rexistro da súa carreira.[2]
O 31 de xaneiro de 2019 foi transferido ao Wuhan Zall FC da Superliga chinesa. O 21 de agosto de 2021 fichou polo Santos, regresando así ao fútbol do seu país e da súa cidade despois de 13 anos fóra. Debutou o 4 de setembro, nunha derrota por 2-1 ante o Cuiabá, e rematou a tempada con só oito partidos debido a unha lesión.[3]
O 10 de agosto de 2022 anunciouse o seu traspaso á UD Almería.[4]
Notas
[editar | editar a fonte]- ↑ "Atlético back with a win at Zenit's expense" (en inglés). 18 de setembro de 2013. Consultado o 19 de novembro de 2024.
- ↑ "Leo Baptistao logra su mejor registro goleador en Primera División" (en castelán). 18 de maio de 2018. Consultado o 19 de novembro de 2024.
- ↑ "Choro em bar e vergonha de sair: a dor de Baptistão até se firmar no Santos" (en portugués). 21 de xuño de 2022. Consultado o 19 de novembro de 2024.
- ↑ "ntos FC acerta venda de Léo Baptistão para o Almería, da Espa" (en portugués). 10 de agosto de 2022. Consultado o 19 de novembro de 2024.
