La Secuita

La Secuita
	Brasón
Localización
	41°12′12″N 1°16′46″L / 41.203226, 1.279376
Estado	España
Comunidade autónoma	Cataluña
Provincia	Provincia de Tarragona
Comarca	Tarragonès
Capital	La Secuita (en)
Poboación
Poboación	1.800 (2023) (101,12 hab./km²)
Número de fogares	30 (1553)
Lingua oficial	lingua catalá
Xeografía
Superficie	17,8 km²
Altitude	169 m
Comparte fronteira con	Nulles ; Perafort ; Els Garidells ; Els Pallaresos ; Renau ; El Catllar ; Vallmoll
Organización política
• Mayor of La Secuita (en)	Eudald Roca Gràcia (en) (2023–)
Identificador descritivo
Código postal	43765
Fuso horario	UTC+01:00
Código INE	43144
Código territorial IDESCAT	431444
Sitio web	lasecuita.cat

La Secuita é un concello da provincia de Tarragona, en Cataluña, situado na comarca do Tarragonès. Inclúe os núcleos de L'Argilaga, Les Gunyoles, Sant Roc, La Secuita e Vistabella.

Historia

A repoboación da zona que hoxe ocupa La Secuita foi encargada polo mosteiro de Santes Creus a Guillem de Claramunt. O termo municipal seguiu en mans do cenobio que foi adquirindo os diversos masos da zona; compra que se completou no século XIII coa adquisición de Vistabella. O alcalde era nomeado desde o propio mosteiro.

Trala desaparición das señorías, os distintos núcleos de poboación uníronse para formar un único municipio. O último en integrarse foi o de Les Gunyoles que o fixo en 1842.

Demografía

Evolución demográfica
1900	1920	1940	1960	1981	2000	2012
980	1.069	931	825	914	1.131	1.607

Economía

A principal actividade económica é a agricultura, destacando o cultivo da viña. Outros cultivos importantes son as alfarrobeiras, abeleiras e oliveiras.

Cultura

No núcleo antigo de La Secuita atópase a igrexa parroquial dedicada a Santa María. Ten tres naves laterais construídas en diferentes períodos mentres que a nave central é de estilo gótico.

A igrexa de L'Argilaga está dedicada a San Roque e é de construción recente xa que se edificou logo da Guerra Civil. Aí atópase tamén o edificio coñecido como Casa dels Frares construído no século XVIII. As festas maiores celébranse no mes de agosto e como festa de inverno celébrase a festividade de San Paulo, copatrón do pobo.

O arquitecto modernista Josep Maria Jujol edificou en Vistabella unha igrexa dedicada ao Sagrado Corazón. As obras iniciáronse en 1918 por encargo dos habitantes do lugar que non dispoñía de igrexa. O templo foi construído cun certo aire rústico utilizando materiais sinxelos como a pedra ou a madeira.

A festa maior de La Secuita ten lugar no mes de agosto. Teñen tamén tradición as festas de San Sebastián no mes de xaneiro e as de San Cristovo en xullo.