La tesis de Nancy
| La tesis de Nancy | |
|---|---|
| Autor/a | Ramón J. Sender |
| Orixe | España |
| Lingua | Castelán |
| Xénero(s) | Novela |
| Editorial | Editorial Atenea |
| Data de pub. | 1962 |
| Seguido por | Nancy, doctora en gitanería |
| [ editar datos en Wikidata ] | |
La tesis de Nancy é unha novela en lingua castelá de Ramón J. Sender, publicada en 1962 en México por Editorial Atenea. É o primeiro volume dunha pentaloxía seguida por Nancy, doctora en gitanería (1974), Nancy y el Bato loco (1974), Gloria y vejamen de Nancy (1977) e Epílogo a Nancy: bajo el signo de Taurus, (1979).
Trama
[editar | editar a fonte]Nancy é unha rapaza de Pensilvania que vai a Alcalá de Guadaira para preparar unha tese sobre Antropoloxía e Filoloxía hispánica.
Narración
[editar | editar a fonte]A obra consta de dez cartas, das cales nove son escritas por Nancy á súa curmá Betsy, e unha por esta a Nancy. Ramón J. Sender aparece na nota introdutoria como amigo de Betsy e tradutor das cartas.
O fío argumental serve como pano de fondo para presentar a sociedade sevillana de mediados do século XX a través de confusións lingüísticas (polo dialecto andaluz da lingua castelá e a xerga caló do pobo xitano, así como polos dobres sentidos e os xogos de palabras) e malentendidos polas convencións sociais.
Hai moitas referencias a obras literarias e musicais de diversas épocas. Do mesmo modo, hai moitas referencias lingüísticas a recursos estilísticos, etimoloxías ou usos. Amais da propia Alcalá de Guadaira e Sevilla, aparecen espazos como Itálica, Carmona ou Tarifa.
Personaxes
[editar | editar a fonte]- Nancy: estudante duns vinte e catro anos.
- Francisco Antolín Reyes "Curro": mozo xitano de Nancy.
- Joaquín Gómez "Quin": banderilleiro.
- Mrs. Dawson: escocesa de mediana idade, coa que vive Nancy.
- Mrs. Adams: antiga profesora de Nancy, actualmente retirada.
Véxase tamén
[editar | editar a fonte]Bibliografía
[editar | editar a fonte]- Sender, R. J. (1999): La tesis de Nancy. Edición de Francisco Troya e Pilar Úcar. Barcelona, Ed. Casals. ISBN 978-84-218-2073-5