Lagoas de Basturs

Lagoas de Basturs
Tipo	Zona húmida; área protexida da rede Natura 2000; espazo natural protexido; Pla d'Espais d'Interès Natural
Situado na entidade xeográfica	Basturs (en)
Localización
División administrativa	Isona i Conca Dellà, España
	42°08′36″N 1°01′11″L / 42.14323, 1.01971
Conca hidrográfica	Conca do Ebro
Características
Altitude	537 m
Material usado	Travertino
Superficie	37,05505 ha
Categoría V da UICN: paisaxe protexida/paisaxe mariña
World Database on Protected Areas
Identificador	389105
Historia
Data de creación ou fundación	1992

As lagoas de Basturs son dúas lagoas coa categoría de Lugar de importancia comunitaria (LIC) que se atopan preto das vilas de Basturs e Sant Romà d'Abella, no concello catalán de Isona i Conca Dellà, na comarca de Pallars Sobirà, na provincia de Lleida. Están incluídas no Pla d'Espais d'Interès Natural (PEIN) da Generalitat de Cataluña e na Rede Natura 2000.^[1] Forman unha zona húmida de orixe cársica de grande importancia. Xunto coas lagoas de Banyoles, as do val de Sant Miquel de Campmajor e a lagoa de Montcortès, forman as catro zonas húmidas de orixe cársica máis notábeis de Cataluña.^[2] Aliméntanse dunha fonte de auga subterránea máis ou menos constante durante todo o ano. Na última década do século XX formouse unha terceira lagoa nunha leira próxima, pero ao pouco tempo desapareceu.

Fauna

Aínda que algúns dos seguintes animais só foron observados puntualmente, nas lagoas de Basturs avistáronse voitres, pitas do monte, garzas reais, lontras, cervos, teixugos e garduñas.^[2]

↑ Natura 2000 (ed.). "Estanys de Basturs" (PDF). Arquivado dende o orixinal (PDF) o 22 de novembro de 2015. Consultado o 22 de novembro de 2015.
↑ ^2,0 ^2,1 Generalitat de Cataluña (ed.). "Estanys de Basturs" (PDF). Fitxes descriptives de zones humides. Arquivado dende o orixinal (PDF) o 03 de decembro de 2013. Consultado o 22 de novembro de 2015.