León Esteban San Miguel
| Biografía | |
|---|---|
| Nacemento | 21 de abril de 1904  Lekeitio, España |
| Morte | 4 de abril de 1995 (90 anos) Vitoria, España |
| Bispo titular | |
| 31 de maio de 1976 – Diocese: Rusubbicari (en)  | |
| Vigairo apostólico | |
| 31 de maio de 1976 – | |
| Administrador apostólico | |
| 17 de marzo de 1966 – | |
| Datos persoais | |
| Relixión | Igrexa católica |
| Actividade | |
| Ocupación | bispo católico (1976–), sacerdote católico (1928–) |
| Orde relixiosa | Orde dos Carmelitas Descalzos |
| Consagración | Jean Rupp (pt) |
Víctor de Santa Teresa, OCD, de nome secular León Esteban San Miguel Erce,[1] nado en Lekeitio, Biscaia, o 21 de abril de 1904 e finado o 4 de abril de 1995, foi un bispo católico e relixioso carmelita descalzo que por 15 anos exerceu de ordinario da vigairía apostólica de Kuwait.[2]
Traxectoria
[editar | editar a fonte]Naceuo en Lekeitio en 1904, fillo de Vicente San Miguel e Paulina Erce. Logo de estudar en Villafranca, Navarra, comezou o noviciado na Orde dos Carmelitas Descalzos, onde profesou o 28 de xullo de 1921, tomando o nome de Víctor de Santa Teresa.
Estudou tres anos de filosofía (1922-1925) en Vitoria, e tres de teoloxía no Carmelo de Begoña (1925-1928). Recibiu a orde sacerdotal o 1 de xuño de 1928 en Vitoria, Áraba, e en outubro dese ano foi destinado á India, onde cursou os estudos eclesiásticos no Seminario de Puthempally até 1929. Aprendeu a lingua local e exerceu como profesor de socioloxía no mesmo, até 1966. Chegou a ser superior dos carmelitas no estado de Kerala.[3]
O 17 de marzo de 1966 a Santa Congregación para a Propagación da Fe elixiuno como administrador apostólico da vigairía de Kuwait, logo da renuncia de Ubaldo Stella.
O 31 de maio de 1976 foi elixido vigairo apostólico de dita sé, e foi consagrado bispo o 16 de xullo de 1976, como bispo titular de Rusubbicari. Exerceu este cargo até o 5 de novembro de 1985. Retirouse á India, onde seguiu a traballar até a súa morte o 4 de abril de 1995.
Obras
[editar | editar a fonte]- A manual of Christian sociology (Alwaye, 1947)
- La India y sus problemas (Donostia, 1951)
- Mater et Magistra in India (Alwaye, 1963)
- Christians in Kuwait (Beirut, 1970)
- Kerala Adios (Kuwait, 1978)
- Misioneros memorables (Vitoria, 1980)
- Back to the Indian mission (Vemsur, 1984)
- Three Century Kerala Carmelite Mission, 1956-1975 (Vemsur, 1986)
Notas e referencias
[editar | editar a fonte]- ↑ As veces aparece citado como Víctor Sanmiguel ou Víctor León Esteban San Miguel y Erce.
- ↑ Urkiza, p. 483.
- ↑ ABC do 19 de xuño de 1976 (Hemeroteca)
Véxase tamén
[editar | editar a fonte]Bibliografía
[editar | editar a fonte]- Julen Urkiza, OCD (1992). Karmeldarrak Markinan (1691-1991): Historia eta agiriak (en éuscaro). Ediciones El Carmen (KARMEL). ISBN 8473050665. Versión escaneada en PDF
| Dignidades da Igrexa católica | ||
|---|---|---|
| Predecesor: Ubaldo Teofano Stella |
Vigairo apostólico de Kuwait 1976 - 1981 |
Sucesor: Francis George Adeodatus Micallef |
| Predecesor: José da Silva Chaves |
Bispo titular de Rusubbicari 1976 - 1995 |
Sucesor: Douglas William Young |
